Скачать или смотреть အထက်မင်းလှ စစ်တပ်ရေနံချက်စက်ရုံနဲ့ ကပစ-၂ တိုက်ခိုက်ခဲ့တယ်လို့ NUG ထုတ်ပြန် | People's Spring

အထက်မင်းလှ စစ်တပ်ရေနံချက်စက်ရုံနဲ့ ကပစ-၂ တိုက်ခိုက်ခဲ့တယ်လို့ NUG အကြမ်းဖက်တိုက်ဖျက်ရေးအထူးတပ်ဖွဲ့ ထုတ်ပြန်

ဖေဖော်ဝါရီ-၂၈၊ ၂၀၂၆။ People’s Spring

မကွေးတိုင်း၊အထက်မင်းလှမြို့နယ်က စစ်တပ်ရဲ့ ရေနံချက်စက်ရုံ နဲ့ အမှတ် ၂ ကာကွယ်ရေးပစ္စည်းစက်ရုံ (ကပစ ၂)ကို တိုက်ခိုက်ခဲ့တယ်လို့ အမျိုးသားညီညွတ်ရေးအစိုးရ အကြမ်းဖက်တိုက်ဖျက်ရေးအထူးတပ်ဖွဲ့(SOS)က ဒီကနေ့ ထုတ်ပြန်ပါတယ်။

SOS နဲ့ မကွေးတိုင်း ပကဖတို့ပူးပေါင်းပြီး သမ္ဘရာကန်ရွာအနီးက စစ်တပ်ရဲ့ အဓိက စက်ရုံတွေဖြစ်တဲ့ ရေနံချက်စက်ရုံနဲ့ ကပစ ၂ ကို ၁၀၇ ရှော့တိုက်ဒုံးတွေနဲ့ မနေ့က(ဖေဖော်ဝါရီ ၂၇ ရက်)မနက် ၁ နာရီဝန်းကျင်မှာ ပစ်ခတ်ခဲ့တာလို့ ဆိုပါတယ်။

ရှေ့တိုက်ဒုံးတွေက သမ္ဘရာကန်စက်ရုံဝင်းအတွင်းကို သုံးလုံးကျရောက်ပြီး ဝန်ထမ်းလိုင်းခန်းနဲ့ စက်ရုံ ပတ်ဝန်းကျင်ထိမှန်ခဲ့တယ်လို့ အသိပေးပါတယ်။

အလားတူပဲ ကပစ ၂ ထဲမှာလည်း ရှော့တိုက်ဒုံးတစ်လုံး ပေါက်ကွဲဲပြီး ပျက်စီးမှုတွေ ရှိခဲ့တယ်လို့ ဖော်ပြပါတယ်။

ရှော့တိုက်ဒုံး ပေါက်ကွဲမှုတွေနဲ့ စစ်တပ်စက်ရုံ နှစ်ခု ထိခိုက်မှုတွေကိုတော့ လူထုနွေဦးက သီးခြားအတည်မပြုနိုင်သေးပါဘူး။

သရက်ခရိုင် ကာကွယ်ရေးရဲဘော်တစ်ဦးက တိုက်ခိုက်ခဲ့တဲ့ ဖြစ်စဥ်ကို သိရကြောင်းနဲ့ အသေးစိတ် အချက်အလက်ကို စုံစမ်းဆဲဖြစ်ကြောင်း ပြောပါတယ်။

သရက်ခရိုင်ထဲက အထက်မင်းလှ မြို့နယ်မှာ ကပစ ၂ အပြင် ကပစ ၁၀ နဲ့ ၁၃ ရှိပါတယ်။

ဒါ့အပြင် သရက်ခရိုင်ထဲက သရက်၊မင်းတုန်း၊ဆင်ပေါင်ဝဲ၊အောင်လံ၊ကံမ နဲ့ အထက်မင်းလှ မြို့နယ်တွေမှာ စစ်တပ်ရဲ့ ကာကွယ်ရေးပစ္စည်းစက်ရုံ ခုနှစ်ခုထိရှိပါတယ်။

ဒါကြောင့် စစ်ရေးအချက်အလက် မှတ်တမ်းတင်စောင့်ကြည့်သူတွေက သရက်ခရိုင်ဟာ စစ်တပ်ရဲ့ နှလုံးသားနဲ့ စစ်ဗျူဟာအရ စစ်ရဲ့အသက်အိမ်တစ်ခုဖြစ်တယ်လို့ ဆိုပါတယ်။

ပြီးခဲ့တဲ့လပိုင်းတွေက သရက်၊မင်းတုန်း၊ကံမ နဲ့ ဆင်ပေါင်ဝဲ မြို့နယ်တွေက စစ်တပ်စစ်ကြောင်းတွေ ၊စခန်းနဲ့ကာကင်း တွေကို တော်လှန်ရေးတပ်တွေ တိုက်ခိုက်ပြီး လက်နက်ခဲယမ်းတချို့သိမ်းဆည်းနိုင်ခဲ့တာ ရှိပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA