Tagi Salahoglu ➤ 🎤 "Asiqem" ➤ TEK SESLİ(bass (-2))

KANALA YAZILIN ===VİDEONU LAYK EDİN==== +994(50)332-8625
"Aşiqəm"

Bir sərv(i) boylu, dodağı qönçə,
Maral baxışlı yara aşiqəm.
Olaram gündə yüz yol qurbanı,
Belə bir gülüzara aşiqəm.

Gecə sübhədək eylərəm nalə,
Düşməz könlüm heç özgə xəyalə.
Gərdəni mina, ağzı piyalə,
Ləhcəsi şirinkara aşiqəm.

Güləndə ləbindən bal(ı) axan,
Bəzənib, sərxoş tovus tək çıxan.
Niqab altından pünhani baxan
Əcayib xoşgöftara aşiqəm.
==============
Azərbaycan xalq mahnısı

Melodiyanın mətni Molla Pənah Vaqifin (1717-1797) bu qoşması əsasında düzənlənib:

Bir əndamı nəsrin, dodağı qönçə,
Bir qaməti gülbün yara aşiqəm.
Olsa yüz üzü gül, girməz eynimə,
Mən ancaq bir gülüzara aşiqəm.

Gecələr sübhədək eylərəm nalə,
Hərgiz düşməz könlüm özgə xəyalə.
Bir gərdəni mina, ağzı piyalə,
Bir ləhcəsi şirinkara aşiqəm.

Bir buxağı turunc, sinəsi meydan,
Bir sözü cəvahir, mirvari dəndan,
Bir maral baxışlı, kirpiyi peykan,
Bir qaşları zülfuqara aşiqəm.

Bir güləndə ləblərindən bal axan,
Bir bəzənib sərxoş tovus tək çıxan,
Bir niqab altından pünhani baxan,
Bir əcayib xoşgöftara aşiqəm.

Vaqifəm, bədəndən canım dağılır,
Məcnun kimi xanimanım dağılır,
Görməyəndə din-imanım dağılır,
Gecə-gündüz mən didara aşiqəm.