صديق احمد - يا مرسالي شيلي سلامي ودو

أغاني طمبور
صديق احمد
كلمات ..الشاعر قسم السيد عبد الرسول
يا مرسالي شيلي سلامي ودو
وصلو في الرياض لأخويا عبدو
تقولو سلامة في حضنك تقلدو
تقولو بلدنا صح خرباني بعدو
يا مرسالي
المأصل خلقة من أبواتو وجدو
أخويا يدرج الفتران يسندو
محال تاني الحريمات متلو يلدو
البشيل الشيلة ساعة الناس يشردو
يا مرسالي
يمين انت الكرم وصلتو حدو
على الضيفان قُداحتك ماب يبردو
أخوي ماب ينهر العشمان يردو
أخوي البلحق الغرقان يجبدو
يا مرسالي
أخوي الببني وقت الناس يهدو
أخوي الديمة حبل الخير يمدو
شبه مطر الخريف الكر رعدو
إنت بي كرمك يقوموا الناس يقعدو
يا مرسالي
أخوي عبد الرحيم البوفي وعدو
أخوي الكل منابع الطيبة عندو
على العشمان دوام ماديها يدو
أخوي الباقي مجداف للبعدو
يا مرسالي
إن سألت علينا ضيقنا على أشدو
نساهر حتى نجم الليل نعدو
خلاص كمل اللحم والباقي جلدو
تعبنا بس الفضل للدوم نكدو
يا مرسالي
أخويا دوام شراعي عليك بفردو
تعال قابلني بابك لا تسدو
كريماً ماك في الناس البحقدو
وكتار المتلي في ضلك يلبدو
يا مرسالي
أخوي الحوبة بارل ليها جهدو
أخويا دميري والقيف ماب يحدو
ده ما سيفاً مجرد خله غمدو
مخلي الشعراء في محرابه يشدو