Dr. Drer & CRC posse "Boga sa manu".

www.crcposse.org/

"Mimmo Domenico Di Caterino e Barbara Ardau anti fatu custu filminu a pitzus de sa cantzoni nosta: dus arringràtziaus meda, imparis a Alberto Badas po certas ripresas
cun nosus". Michele Atzori, Su Dotori/Dr Drer

"Boga sa manu"

Boga sa manu e tzaca stradoni: sordaus e carrarmaus, esèrcitu e cannoni
su tempus de giogai a fai sa gherra imoi est spaciau, su sardu est disterrau, su sartu est impestau,
arregolli totu perou prim' 'e ti-nd'andai, arregorda ca su logu est de limpiai
poi pinniga-tì e impari a su strexu, piga-tì puru cussus chi sa porta t'ant obertu

Deputaus sardus, ministru e prefetu
tzeracheddus in giaca e dopiopetu
nc'est un predi chi narat missa
calincun'atru narat promissas

Boga sa manu 'e su 'entu, no mi fais fessu e cuntentu
narendi chi donas 'richesa e invecis innoi lassas s'unu po centu
su sardu ca pigas po culu, si bogat sa svèllia 'e su tzugu
e insandus bai-ti-ndi de pressi de no calincunu s'incatzat puru
cun cussa giranti eolica, as nau ca portast s'Amèrica
ma as fatu cumenti a i-cussus chi andànt a furai diamantis in Àfrica
e imoi est spaciau su boboi, e insandus bai-ti-ndi de innoi
ca inghitzat sa passièntzia in su pòpulu a 'mancai

Arribat, arribat sa multinatzionali
cunvocai de pressi su consillu comunali
un'ocasioni manna de svilupu
po su pisci alluau e po su prupu

BOGA SA MANU DE INNOI!
BOGA SA MANU DE INNOI!
BOGA SA MANU DE INNOI!
BOGA SA MANU E ACABA-TI-ND' 'E ANDAI!

E acaba-ti-nd' 'e andai, ma chini 'olis frigai
su gasdotu Galsi no portat traballu ma est unu arregalu po chini ddu fait
ca inveci passendi in mari, ddi costàt tropu dinai
po portai su gas algerinu in Europa innoi totu 'olint scioddai
tui promitis energia, e svilupu po sa terra mia
ma mi parrit ca ses sempri cussu chi copiàt is programas de sa Lombardia
su metanu est acant' 'e spaciai, su gasdotu unu pacu mannu
a nosus abarrat sceti incuinamentu perìgulu e dannu

Deputaus sardus in corpetu
tenint a coru meda custu progetu
sa chistioni est sempri cussa
ricatus e promissas, a scumissa?

BOGA SA MANU DE INNOI!
BOGA SA MANU DE INNOI!
BOGA SA MANU DE INNOI!
BOGA SA MANU DE INNOI!
BOGA SA MANU DE INNOI, BOGA SA MANU DE INNOI, BOGA SA MANU BOGA SA MANU BOGA SA MANU DE INNOI! BOGA SA MANU DE INNOI, BOGA SA MANU DE INNOI, BOGA SA MANU BOGA SA MANU BOGA SA MANU DE INNOI!

Deputaus sardus, ministru e prefetu
tzeracheddus in giacca e dopiopetu
sa chistioni est sempri cussa
ricatus e promissas, a scumissa?

E tui chi fais sempri is interessus insoru, mancai acamufau cun sa bandera 'e is cuatru morus
ses in mesu ca sa giòbia, su mèrculis e su martis, boga-tì de mesu e poni-tì a una parti

BOGA SA MANU DE INNOI, BOGA SA MANU DE INNOI, BOGA SA MANU BOGA SA MANU BOGA SA MANU DE INNOI! BOGA SA MANU DE INNOI, BOGA SA MANU DE INNOI, BOGA SA MANU BOGA SA MANU BOGA SA MANU DE INNOI!

Album "Cosa bella Frisca" (2012)

Tavor Art Mobil Production | Barbara Ardau - Mimmo Di Caterino