Скачать или смотреть કૃષ્ણ કનૈયો વસે દ્વારિકા ધામમાં.(કીર્તન નીચે લખેલુ છે)

‪@krishnabhajan9433‬



કૃષ્ણ કનૈયો વસે દ્વારિકા ધામમાં જો
ગોમતીજી ગાજે રે ઘરને આંગણે

સોનાના સોગઠાને રૂપાની ચોપાટ જો
કૃષ્ણને રુક્ષ્મણી રમે સોગઠે

રમતા રમતા વાલાની આંખ ભીજાણીજો
મનડા ઉદાસી બન્યા શ્યામના

પુછે રુક્ષ્મણી નાથ કેમ દુભાણા છો
કેમ રે આંખોમાં આંસુ આવ્યા

સોનાની દ્વારકા રિદ્ધિ સિદ્ધિ આંગણે જો અષ્ટ પટરાણી આપે હાજરી

નોકર સાકર હાથીને ઘોડા જો
શેની રે સુખમાં ખામી આવ્યું

કહે કનૈયો સુનો રુક્ષ્મણી રાણી જો
સુણો મારા મન કેરી વાતડી

આજ અમને માતા જશોદા સાંભળ્યા જો
યાદ આવ્યું રે ગોકુળ ગામડું

જશોદા મા મને જમવા બોલાવે જો
દોડી હું ગોકુળની ગલીમાં ભાગતો

દોડી પકડી મને માખણીયા ખવડાવતા જો ખોળામાં બેસાડી લાડ લડાવતા

ખભે બેસાડી બાબા વ્રજમાં લઈ જાતા જો
ગાયો ચરાવતા શીખવાડતા

વ્રજની ગોપી જ્યારે રાવે આવતી જો
સાચી ખોટી મારી ટેવો સંભળાવતી

જશોદામા મને સોટી લઈને મારતા જો
પછી રે પોતે આંસુડા સારતા

જેદી માતાએ ખાંડણી એ મને બાંધજો જો
તે રાત્રે માં જશોદા નહોતા ઊંઘી ગયા

વહેલી સવારે માતા જશોદા જાગ્યા છો
વહાલ કરી મને ખોળામાં બેસાડીયા

દોરડા ના વાઢમાં માયે હાથ ફેરવજો
ધ્રુસકે ધ્રુસકે રે માં રડી પડ્યા

તેદી મા એ મારી માફી માગી જો
નહિ રે મારવાના વચન આપ્યા

આવી માતાને હું કેમ વિસરુજો
કેમ રે ભૂલું ગોકુળીયુ ગામડું

સોનાની દ્વારકા મોજને લાગે કડવી જો
વાલો રે લાગે વનરાવન મીઠડુ

ભોગ તમે ભલે મને ધરાવતા જો
માખણને રોટલો લાગે મીઠડો

વાલી ગાયને વાલા મારા ગોવાળિયા જો
જમુનાજીનો આરો હું કેમ વિસરુ

વાલી વાસલડી હાથથી જેડી છૂટી જો
તે દિવસથી જીવન લાગે દોયલો

રાધાનું નામ મારી જીભે ચડિયું જો
રડતી રે રાધા ને કેમ હું વિસરુ

શ્વાસે શ્વાસે રાધા નામ પોકારુ રે
એને રે વ્રજમાં મેલી એકલી

કાગળ હોય તો વાંચીને બતાવ જો
દિલડાના દર્દ મારે કેમ વાંચવા

રાણી રુક્ષ્મણી તમને કેમ સમજાવો જો
ગોકુળના તોલે દ્વારીકા નો આવે

ગોકુળમાં જઈ કોઈ સંદેશો દેજો જો
નંદ જશોદા માના કાનમાં

એકેય દિવસ મારો એવો નો ઉગીયો જો
તમને રે સંભાર્યા વિનાનો પોઢતો

આટલું કહેતા વાલા ની આંખો વરસી જો
જગને હસાવનાર રડી પડ્યો

વલભના સ્વામી પ્રભુ અંતરયામીજો
ચરણ કમળની પાસ અમને રાખજો

બેઉ કર જોડી વિનવે ગોપી મંડળ જો
વ્રજ ભૂમિમાં વાસ અમને આપજો

#kiratan
#bhajan
#satsang
#krishnabhajan
#gujratibhajan
#bhakti
#કીર્તન
#gujrati