နေ့စဥ်ဝတ်ပြုခြင်းအလင်းပြ-အဓိကအချက် - “ဒုက္ခရောက်စဉ်ကူမရန်ဆုတောင်း”

နေ့စဥ်ဝတ်ပြုခြင်းအလင်းပြ

“ငါငိုကြွေးသံကို ထာဝရဘုရား ကြားတော်မူ၏။”
“The Lord heard my cry.”

အဓိကအချက် - “ဒုက္ခရောက်စဉ်ကူမရန်ဆုတောင်း”
“Pray for help in times of trouble”

ဖတ်ရန်ကျမ်းချက် - ဆာလံကျမ်း ၆း၁-၉

“အိုထာဝရဘုရား၊ နံနက်အခါ အကျွန်ုပ်စကားသံကို ကြားတော်မူရပါ၏။ နံနက်အခါကိုယ်တော်ကို မျက်မှောက်ပြု၍ မျှော်လင့်ပါမည်။-”(ဆာလံ၊ ၅း၃)

ဒီဆာလံသည် ဒါဝိတ်မင်းကြီးရဲ့ဆာလံတစ်ပုဒ်ဖြစ်ပြီးတော့ နောင်တနဲ့သက်ဆိုင်တဲ့ ဆာလံတစ်ပုဒ်ဖြစ်တယ်။ အထူးသဖြင့် ကနဦးအသင်‌တော်တွေ ပြာဗုဒ္ဓဟူးနေ့မှာ ရွတ်ဆိုလေ့ရှိပြီးတော့ ရှင်ပြန်ထမြောက်ခြင်းမတိုင်မှီ ရက် (၄၀)မှာ ရွတ်ဆိုလေ့ ရှိပါတယ်။ ဒီဆာလံမှာ ဒါဝိတ်မင်းကြီးသည် ထာဝရဘုရားကို အမျက်တော်ထွက်ပြီး အပြစ်မတင်ဖို့၊ အမျက်တော်ထွက်ပြီး မဆုံးမဖို့ ထာဝရဘုရားကို အထူးတောင်းလျှောက်ပါတယ်။
ဆုံးမခံရမယ်ဆိုတာသိတယ်၊ အားနည်းချက်တွေ၊ အပြစ်တွေ သူ့ဘက်မှာ ရှိတာကို သိတယ်။ အပြစ်တင်ခံရမယ်ဆိုတာကို သိတယ်၊ သို့သော်လည်း ဘုရားသခင် အမျက်တော်နဲ့ မဆုံးမ ပါနဲ့ ဘာကြောင့်လဲဆိုတော့ သူမှာ အားနည်းနေတယ်၊ ဘုရားရဲ့ကယ်မသနားမှုကို လိုနေတယ်။ ကျွန်ုပ်အရိုးတို့သည် တုန်လှုန် တယ်၊ ကျွန်ုပ်ရဲ့ဝိညာဥ်ဟာတုန်လှုပ်တယ်၊ ဘုရားသခင်ရဲ့ ကရုဏာကို မှီတည် ပြိး ဟိုးအရင်ကလိုပဲ ပြန်လာ ကယ်ဖို့ သူတောင်းလျှောက်တယ်။ သူ့ရဲ့ကုတင်မှာ မျက်ရည်တွေနဲ့မျှောနေပြီးတော့ တစ်ညလုံး ငိုကြွေးနေရတယ်။ မျက်လုံးတွေ ပြာမှုန်နေတဲ့အနေအထားရှိတယ်လို့ သူ့ရဲ့အခြေအနေကိုဖော်ပြတယ်။
မတရားတဲ့သူတွေ ငါ့ထံက ထွက်သွားကြလို့ သူမောင်းထုတ်တယ်၊ နောက်ဆုံးကြွေးကြော်တယ်၊ ဘာကြောင့်လဲဆိုတော့ သူ့‌‌တောင်းလျှောက်သံကို ဘုရားနားထောင်တယ်လို့ ယုံကြည်စိတ်ချတယ်။ ဘုရားသခင်သည် သူ့ရဲ့ ပဌနာကို နားထောင်တယ် လို့သူယုံကြည် စိတ်ချတယ်။ နောက်ဆုံးမှာ တော့သူ့ရဲ့ဆုတောင်းခြင်းကပဲ အနိုင်ရမယ်၊ ရန်သူက အနိုင်မရဘူးလို့ စိတ်ချယုံကြည်ခြင်း သူ့မှာ အပြည့်ရှိတယ်။ ကျွန်တော်တို့အသက်တာမှာ လည်းဘယ်လိုအခက်အခဲ၊ ဘယ်လိုအကြပ်အတည်း၊ မွန်းကျပ်မှု တုန်လှုပ်မှု၊ အရိုးတွေခမ်းခြောက်သွားတဲ့ အနေအထားရှိပါလေ့စေ၊ ဘုရားကို မျော်လင့်ပြီး၊ ဘုရားရဲ့ကရုဏာတော်ကို တောင်းလျှောက်အသနားခံပါ၊ ဘုရားသခင်နားညောင်းမယ်ဆိုတာကို ယုံကြည် စိတ်ချပြီး၊ ဘုရားသခင်ပြုမှုမယ့် အံ့သြဘွယ်အမှုတော်ကို မျော်လင့်လျှက် ရန်သူတွေကို တုန်လှုပ်ခြင်းကင်းမဲ့စွာ ရင်ဆိုင်ကြဖို့ရန်ဖြစ်ပါတယ်။
ဆင်ခြင်ရန် - အခြေအနေတွေ ဘယ်လိုပဲရှိရှိ ကယ်တင်နိုင်တဲ့ ဘုရားသခင်ကို ယုံကြည်မျှော်လင့်ခြင်းသည် တည်ကြည်ခိုင်ခံ တဲ့ အသက်တာကို လျှောက်လှမ်းစေပါတယ်။
ဆုတောင်းရန် - မေတ္တာတော်ရှင် ဘုရားသခင် ကိုယ်တော်ရဲ့ ကရုဏာတော်အားဖြင့် ကျွန်ုပ်တို့ကို ကယ်တင်ကယ်မတော်မူပါ၊ ဒုက္ခများပတ်လည်ဝိုင်းနေတဲ့ ကြားမှာ ပြည့်ဝပြည့်စုံစွာရှင်သန်ရသောအခွင့် ရန်သူများကိုတွန်းလှန်နိုင်သောအခွင့်ကိုပေးသနားတော်မူပါ။ အာမင်