Скачать или смотреть Hortobag palacinki | Hrana i Vino MKD

Ова е вистински доказ колку вкусни можат да бидат солени палачинки. За почеток сигурни сме дека нема да ги заборавите заради името, а ако се одлучите да го подготвите овој познат унгарски специјалитет Ви гарантираме дека со сигурност ќе го запаметите и вкусот.

Hortobag palacinki
ХОРТОБАЃ ПАЛАЧИНКИ

за 4 лица

4 палачинки
½ пиле исечено на парчиња
150 г домат
100 г кромид
70 г зелена пиперка
1 лажица букова сол
1 кафена лажица оригано
½ кафена лажица рендано морско оревче
150 г кајмак
100 мл неутрална павлака
70 г брашно
масло за јадење
Хималајска сол

Потребно време за подготовка на ова предјадење е 50–тина минути.

Главицата кромид ситно ја сечкаме и ја пржиме на загреано масло во тенџере на оган. Парчињата месо ги посолуваме и ги додаваме во тенџерето. Доматот го лупиме, го сечкаме на коцки и го додаваме во тенџерето. Пиперката ја сечкаме на коцки, притоа отстранувајќи ги рачката и семките. И парчињата пиперка ги додаваме во тенџерето. Зачинуваме со букова сол, налеваме 800 мл вода, промешуваме и го покриваме тенџерето со капак. По 20-тина минути варење ги вадиме парчињата месо од тенџерето и ги ставаме на чинија. Преостанатата содржина ја зачинуваме со ренданото морско оревче и оригано.
Во садот со брашното ја додаваме неутралната павлака и мешаме со жица. Размешаното брашно го додаваме во тенџерето на оган. Го додаваме и кајмакот и мешаме со жицата. Откако сосот ќе ја добие потребната густина го тргаме тенџерето од оган.
На парчињата пилешко им ги отстрануваме коските. Месото ситно го сечкаме и го ставаме во длабок сад. Додаваме две лажици од сосот од тенџерето и го мешаме филот со лажица.
Со лажицата од филот нанесуваме на првата палачинка и ја виткаме во ролат. На истиот начин ги подготвуваме и преостанатите три палачинки. Им ги отсекуваме краевите и ги сечеме на половина.
На чинија за сервирање скалесто ги редиме парчињата палачинки. Со црпалка на чинијата нанесуваме од сосот од тенџерето и декорираме со листови магдонос.

Со ова предјадење ви предлагаме да се напиете квалитетно суво розе вино. Се служи на температура од 12-14 степени.
Добар апетит.

Hrana i Vino MKD
Subscribe for upcoming recipes:
   / @hranaivinomkd  
Follow us:
Facebook:   / hranaivino