林峯捧粉紅大蛋糕驚喜現身賀佘詩曼生日 羅子溢艷福爆棚自封愛情動作組

林峯捧粉紅大蛋糕驚喜現身賀佘詩曼生日 羅子溢艷福爆棚自封愛情動作組

電視劇《家族榮耀之繼承者》開播首集收視火速報捷，一直穩坐內地熱搜平台港劇第一位，佘詩曼、林峯、黃浩然、羅子溢、梁靖琪（Toby）、陳靜、劉江、余安安、張鳳妮、龔慈恩、程可為及梁諾妍等呢日出席慶功宴。

林峯捧住粉紅色大蛋糕現身，全場即大合唱生日歌，壽星女佘詩曼非常驚喜，安安姐、張鳳妮、Toby等上前擁抱並送祝福，劇中阿佘周旋兩位型男林峯及黃浩然之間，阿佘強調佢哋呢段三角愛情線發展非常緊張，浩然透露劇情將與阿佘講金又講心，將有一場好情深表白，林峯透露「高浚」越嚟越慘將面臨重大危機。

子溢、Toby同陳靜笑指自己喺劇中動作擔當，子溢最艷福無邊，先後與梁諾妍及王敏奕等喺劇中有親密場面，笑指係愛情動作組，子溢坦言角色步入魔化，連自己都害埋，早前阿佘同林峯開直播，把子溢同王敏奕劇中激咀場面畀楊茜堯睇，子溢老婆楊茜堯立即大叫，笑言要子溢回家跪玻璃。

#家族榮耀之繼承者 #慶功宴 #佘詩曼 #生日會 #佘詩曼 #林峯 #黃浩然 #羅子溢 #梁靖琪 #陳靜 #劉江 #余安安 #張鳳妮 #龔慈恩 #程可為 #梁諾妍 #艾威 #慶功宴
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0