Скачать или смотреть અમેરિકા ફરવાં ગયાં હતાં, 45 દિવસ જેલમાં રહી ડિપોર્ટ થયાં

અમેરિકા ફરવા જતાં ટુરિસ્ટની સંખ્યા ઘટી રહી છે તેવા રિપોર્ટ્સ વચ્ચે વેલિડ વિઝા લઈને ફરવા જતાં લોકોને કેવી તકલીફ પડી શકે છે તેનો એક ચોંકાવનારો કિસ્સો સામે આવ્યો છે જેમાં જુલાઈ 2025માં અમેરિકા ગયેલા એક બ્રિટિશ કપલને વગર કારણે 45 દિવસ સુધી જેલમાં રહેવું પડ્યું હતું. 65 વર્ષનાં બ્રિટિશ મહિલા કેરન ન્યૂટન અને તેમના પતિ બિલ કેલિફોર્નિયા, નેવાડા, વ્યોમિંગ અને મોન્ટાના ફરીને બાય રોડ કેનેડા જવાના હતા. પોતાના પ્લાન અનુસાર અમેરિકાની ટ્રીપ પૂરી કર્યા બાદ સપ્ટેમ્બર 26ના રોજ આ કપલ બોર્ડર ક્રોસ કરી કેનેડામાં એન્ટર થયા હતા પરંતુ તેમનું પેપરવર્ક પૂરતું ના હોવાનું કહી તેમને અમેરિકા પાછા મોકલી દેવાયા હતા. બિલ અને કેરન અમેરિકાની સાઈડ આવ્યા ત્યારે બિલના વિઝા એક્સપાયર થઈ ચૂક્યા હતા જ્યારે કેરન પાસે વેલિડ વિઝા હતા.