Скачать или смотреть ដំណើរបកស្រាយប្រាសាទបាពួន [ភាគ2] ប្រវត្តិ និងព្រិត្តិការណ៍សំខាន់ៗក្នុងរាជឧទយាទិត្យវម៌្មទី២

ព្រះបាទឧទយាទិត្យវម៌្មទី២ រជ្ជកាលគ្រងរាជ (គ.ស ១០៥០-១០៦៦) ក្រោយគ្រងរាជសម្បត្តិ ផ្លូវការណ៍ក្នុងឆ្នាំ ១០៥០ នៃគ.ស ទ្រង់មាន ព្រះបរមនាម ថា ព្រះកម្រតែងអញ ម្ចាស់ឧទ័យទិត្យវរ្ម័នទេវៈ ។​ ព្រះអង្គ ជា​បុត្រច្បងរបស់​ព្រះសូរ្យវម៌្មទី១ ហើយព្រះអង្គមានព្រះរាជគ្រូឈ្មោះ សទាសិវជ​យេន្ទ្របណ្ឌិត ។ ដោយមាន​ព្រះគ្រូនេះ​ហើយ​ដែលព្រះអង្គ​ ទ្រង់​បាន​សាង​ប្រាសាទ​ភ្នំថ្មី​ឈ្មោះ ប្រាសាទ​បាពួន ដែល​ជាផ្ចិតនៃក្រុង អង្គរទី២។ ក្រុងថ្មីនេះ​មាន​កំពែង​ដីព័ទ្ធ​នៅជុំវិញ​ ហើយ​ស្ថិតនៅប្រហាក់​ប្រហែលនឹង​កន្លែង​នៃ​ក្រុង​អង្គរទី៣​ របស់​ ព្រះ​បាទជ័យវម៌្មទី៧ ។

នៅក្នុងរាជ ព្រះបាទឧទយាទិត្យវម៌្មទី២ ព្រះអង្គបានជាប់រវល់ដោះស្រាយភារកិច្ចជាច្រើន ដែលបណ្ដាល មកពីការបះបោរចំនួន៣លើក ពីសំណាក់ជនបរទេសឈ្លានពាន និងក្រុមស្ដេចត្រាញ់ក្នុងតំបន់គឺ៖
-លើកទី១ ការបះបោរនៅ​ភាគខាត្បូង ពីការច្រៀតជ្រែករបស់ពួកចាមនៅ "ប៉ាន់តុរាំង" (វៀតណាម) ដែលបានបំបែកកាត់យកមកធ្វើជារដ្ឋអធិបតេយ្យរបស់ខ្លួន ប៉ុន្តែត្រូវព្រះអង្គបង្រ្កាប់បាន​សម្រេច។
-លើកទី២ ការបះបោរ​ដោយ ស្ដេចត្រាញ់នាម "ជ័យបរមស្វរៈវម៌្ម" ដែលជាមេដឹកនាំ​នៃកងបាញ់ព្រួញ បានបង្ករការវឹកវរនៅ "សម្ភពបុរៈ" (ខេត្តក្រចេះ) ។ ប៉ុន្តែ ការបះបោរ​នេះ បានបង្ក្រាបដោយមេទ័ព​ដ៏ល្បីល្បាញ របស់ព្រះបាទ ឧទយាទិត្យវម៌្មទី២ នាម"សង្គ្រាម" ដែលបានយកជ័យនះក្នុងការបង្ក្រាបការបះបោរទាំងនេះ ។​
-លើកទី៣ ការបះបោរនៃរដ្ឋ​ចំណុះមន អំឡុងពេលនោះស្ដេចភូមានាម "អនុរុទ្ធ" នៃអាណាចក្របាកាន​ បានចាត់ឱ្យមេទ័ពនាម "ក្យានសុីដ្ឋា" ឈ្លានពានយកភាគខាងកើតរដ្ឋមន ដែលហៅថាសង្គ្រាមចែកព្រំប្រទល់រវាង (ភូមា និងខ្មែរ) ។ ក្នុងពេលនោះដែរ ក៏មានស្ដេចត្រាញ់មួយទៀតនាម "កំវៅ" បានបះបោរបង្ករភាពវឹកវរនៅតំបន់ "លប់បុរី" ប៉ុន្តែ​ត្រូវបានកំចាត់ដោយមេទ័ព "សង្គ្រាម" របស់ព្រះបាទឧទយាទិត្យវម៌្មទី២ផងដែរ ។

នៅក្នុងរាជព្រះបាទឧទយាទិត្យវម៌្មទី២ ព្រះអង្គមានជំនឿយ៉ាងមុតមាំទៅលើ ព្រះវិស្ណុ ទ្រង់បានក៏សាង ប្រាសាទមេបុណ្យខាងលិច ដើម្បីឧទ្ទិសថ្វាយ​ចំពោះ ព្រះវិស្ណុ ។ ទ្រង់បានសាងបដិមា ព្រះវិស្ណុ​ផ្ទុំធ្វើពីសំរិទ្ធ យ៉ាងធំ ដែលស្ថាបនាដាក់នៅចំកណ្ដាល បារាយណ៍ខាងលិច ដែលតំណាងឱ្យប្រវត្តិរបស់ព្រះវិស្ណុ ដែលបានផ្ទុំលង់លក់ លើខ្នងនាគរាជ "អនន្តៈ" នៅលើផ្ទៃសមុទ្រអន្តកាលដ៏ល្វឹងល្វើយ។ ក្រៅពីជំនឿទៅលើសាសនាហិណ្ឌូទ្រង់ក៏​ មានជំនឿទៅលើ ពុទ្ធសាសនា ផងដែរ ទ្រង់បានសាងបញ្ចប់ ប្រាសាទបាពួន ពីព្រះបាទ ជ័យវរ្ម័នទី៥ និង បង្កើតមជ្ឈមណ្ឌលកណ្ដាលនៅទីនោះដែលជាទីក្រុងប្រជុំជនដូចទៅនិងទីក្រុងអង្គរធំផងដែរ ។ ទោះជាយ៉ាងនេះ ក្ដីព្រះអង្គនៅតែគោរពប្រតិបត្តិសាសនាហិណ្ឌូ ហើយព្រះអង្គបានដើរតាមមាគា ព្រះសិវៈ ដែលបានលើកពួក ព្រាហ្មណ៍បាគូ ឱ្យដឹកនាំប្រព័ន្ធសាសនារបស់រដ្ឋផងដែរ ហើយជាចុងក្រោយព្រះអង្គបានចូលព្រះ ទីវង្គត់ក្នុងឆ្នាំ ១០៦៦ នៃគ.សករាជ ហើយព្រះអនុជ ដែលជាប្អូនប្រុសបង្កើតរបស់ព្រះអង្គព្រះនាម ហស៌វរ្ម័នទី៣ បានឡើងសោយរាជ្យបន្តពីព្រះអង្គ ។
Playlist: #ប្រាសាទបាពួន    • ដំណើរបកស្រាយប្រាសាទបាពួន [ភាគ១] ស្វែងយល់ពី...