Ukraina Rossiya qurol omboriga zarba berdi

Ijtimoiy tarmoqlarda Ukraina Rossiyaning Tver oblastidagi qurol omborxonasiga dron hujumini amalga oshirgan video tarqaldi. 18-sentabr kuni Toropets shahrida amalga oshirilgani aytilayotgan hujum oqibatida taktik raketa tizimlari uchun snaryadlar, boshqariladigan aviabombalar va artilleriya o'q-dorilari ombori portlab ketgan.

Ukraina Xavfsizlik xizmati vakili "Reuters" agentligi bilan muloqotda hujumni tasdiqlagan. Agentlik ijtimoiy tarmoqlarda tarqalgan video haqiqiyligini mustaqil tasdiqlay olmagan.

Portlash oqibatida 6 kilometrga uzangan maydonda yong'in kelib chiqqan.

19-sentabr kuni Ukraina Rossiyaning 42 dronini havoda urib tushirganini ma'lum qildi. O'z navbatida, Rossiya ham Ukrainaning uch droni urib tushirilganini bildirdi.