Скачать или смотреть மகாபாரதம் கதைகள்/ஐந்து கணவன்மார்களுடன் வாழ்ந்த திரௌபதி/tamil Mahabharatham stories/narrated @youtube

மகாபாரதம் கதைகள்/ஐந்து கணவன்மார்களுடன் வாழ்ந்த திரௌபதி/tamil Mahabharatham stories/narrated ‪@Narpavistory‬ @youtube

5 கணவர்களுடன் வாழ்ந்த திரௌபதியை ‘உலகின் சிறந்த பத்தினி’ என்று கூறிய கிருஷ்ணர்.. ஏன் தெரியுமா..?

திரௌபதியை விட இந்த உலகில் யாரும் கன்னியும் இல்லை, பத்தினியும் இல்லை என்று பகவான் கிருஷ்ணர் கூறியுள்ளார். 5 கணவர்களுடன் வாழ்ந்த திரௌபதியை கிருஷ்ணர் இப்படி கூறியதற்கு காரணம் என்ன தெரியுமா..?

மகாபாரதக் கதையில் வரும் திரௌபதி 5 கணவர்களுடன் வாழ வேண்டும் என்ற ஆசையில் அர்ச்சுனனுக்கு மணக்கவில்லை. விதிவசத்தால் பஞ்ச பாண்டவர்களுக்கு மனைவியானாள். திரௌபதி 5 கணவன்மார்களுடன் வாழ்ந்தாலும் கூட, ஒரு வருடத்திற்கு ஒருமுறை தன்னை தூய்மைப்படுத்திக் கொண்டு தான் அடுத்த கணவருடன் சேர்ந்து வாழ்வாள்.

ஆம்.. திரௌபதி ஒவ்வொரு கணவருடன் ஒரு ஆண்டு என்ற கணக்கில் வாழ்ந்தாள். ஒரு ஆண்டு முடிந்ததும் அக்னி பிரவேசத்தின் மூலம் தன்னை தூய்மைப்படுத்திக் கொண்டு அடுத்த கணவனுடன் சேர்ந்து வாழ தொடங்குவாள்..

இல்வாழ்க்கை நன்றாக அமையவேண்டும், நல்ல கணவன் கிடைக்க வேண்டும் என்று நினைக்கும் பெண்கள், திரௌபதி அம்மன் கோவிலில் தீ மிதி எனப்படும் பூக்குழியில் இறங்கி தங்கள் வேண்டுதல்களை நிறைவேற்றி கொள்வதை இன்று கூட பல இடங்களில் நம்மால் பார்க்க முடியும்..

பஞ்ச பாண்டவர்களின் வனவாசத்தின் போது ஒருமுறை, கிருஷ்ணர் அவர்களை சந்திக்க சென்றிருந்தார். அன்றைய தினம், தான் திரௌபதி பீமனுடன் சேர்ந்து வாழத் தொடங்கும் நாளாக இருந்தது. ஆனால் எப்படி ஒரு பெண் ஐவரையும் கணவராக ஏற்றுக் கொண்டு குற்ற உணர்ச்சி இல்லாமல் வாழ முடியும் என்ற சந்தேகம் பீமனுக்கு ஏற்கனவே இருந்தது. அன்றைய தினத்தில் சரியாக கிருஷ்ணர் வந்ததால், அவரிடம் எப்படியாவது இந்த சந்தேகத்தை தீர்த்துக் கொள்ள பீமன் எண்ணினான்.

எனவே கிருஷ்ணரை தனிமையில் சந்தித்து, நேற்றுவரை எனக்கு அண்ணியாக, தாய் ஸ்தானத்தில் இருந்தவரை, எப்படி ஒரு வருஷத்திற்கு நான் மனைவியாக ஏற்க முடியும் என்று கேட்டான். அதற்கு பதிலளித்த கிருஷ்ணரோ, பீமா, நடப்பவை எல்லாம் நம்மை கேட்டு நடப்பதில்லை. ஏற்கனவே இது இப்படி தான் நடக்கும் என்று சொல்லி இருப்பது தான் நடக்கிறது.. இதில் நீ வருத்தப்படுவதற்கு எதுவும் இல்லை.. இருந்தாலும் உன் திருப்திக்காக ஒரு விஷயன் சொல்கிறேன்.. என்று கூறினார்.

மேலும் தொடர்ந்து அவர், இன்று நள்ளிரவு திரௌபதி தனியாக வெளியில் செல்வாள் அல்லவா என்று கேட்டார். அதற்கு பீமனோ, ஆம்.. ஒரு ஆண்டு முடிந்ததும் வரும் நள்ளிரவில் வெளியே சென்றுவிட்டும் பின், சூரிய உதயத்தில் தான் திரும்புவாள் என்று பதிலளித்தான். பின் கிருஷ்ணர், பீமனிடம் அப்போது திரௌபதியின் முகம் எப்படி இருக்கும் என்று கேட்டார். அதற்கு அவளது முகத்தில் தேஜஸ் தெரியும் என்றும் அவள் தங்கத்தை போல ஜொலிப்பாள் என்று பதில் கூறினார்.

பின்னர் அன்றிரவு திரௌபதி வெளியே செல்லும் போது, கிருஷ்ணரும், பீமனும் அவளுக்கு தெரியாமல் பின் தொடர்ந்து சென்றனர். அவர்கள் இருவரும் மறைந்திருந்து பார்க்கும் போது, தீ மூட்டிய திரௌபதி, அந்த தீயில் தானும் விழுகிறாள். அதிர்ச்சியடைந்த பீமனோ அவளை காப்பாற்ற ஓட முயற்சிக்க, கிருஷ்ணரோ தடுத்து நிறுத்துகிறார்.

அங்கே பார் என்று பீமனிடம் சொல்கிறார். ஆனால் தீக்குள் எரிந்தது திரௌபதி இல்லை.. அந்த பார்வதி தேவி தன் சுய உருவில் காட்சி தருகிறாள்.. அந்த அகிலாண்டேஸ்வரியே தீ எனும் போது, தீ எப்படி சுடும்..? தீ, நீர், நிலம் என சகலமும் அவள் தானே என்று பீமனுக்கு புரிய வைக்கிறார் கிருஷ்ணன்..

தொடர்ந்து பேசிய கிருஷ்ணர், பீமா “நீங்கள் ஐந்து பேரும் பஞ்ச பூதங்கள் என்றால் உங்களை ஆளும் மகா சக்தி திரௌபதி.. நீங்கள் ஐம்புலன்கள் என்றால், உங்களின் ஜீவ ஆத்மா தான் திரௌபதி என்று கூறினார். திரௌபதியை விட கன்னியோ, பத்தினியோ இந்த உலகத்தில் யாரும் இல்லை.. இதன் உள்ளே உள்ள தத்துவத்தை உணர்ந்தவர்கள் என்னையே உணர்ந்தவர்கள் ஆவர்.. ” என்றார் கிருஷ்ணர்.

திரௌபதியின் அசாதாரணமான குணங்கள்
ஐந்து கணவன்களைப் பெற்ற திரௌபதி, ஒரு கணவனிட மிருந்து அடுத்த கணவனிடம் செல்லும்போது மீண்டும் கன்னித் தன்மையைப் பெறும் வரத்தையும் பெற்றிருந்தாள். அவள் பாண்டவர்களுக்கு மத்தியில் சற்றும் பாரபட்சம் பார்க்காமல் தொண்டு செய்தாள். மிகவும் துன்பமான காலத்திலும் பாண்டவர்களுடன் காடுகளில் வாழ்ந்தாள். எந்தவித சுயநலமும் இல்லாமல் அவர்களுக்கு அன்பையும் ஆதரவையும் தந்தாள், தேவைப்பட்டபோது அவர்களைச் செயலாற்றவும் தூண்டினாள். துன்பங்களும் ஆபத்துக்களும் வந்த நேரத்தில்கூட அவள் தைரியமாகவும் தீர்மானமாகவும் வாழ்ந்தாள். எல்லாவற்றிற்கும் மேலாக, அவள் கிருஷ்ணரிடம் முழுமையாக சரணடைந்து தூய பக்தியுடன் வாழ்ந்து வந்தாள்.


#mahabharathamstoryintamil
#mahabharatham
#lordkrishna
#vijaytv
#vijaytvmahabharatham
#storiesintamil
#shorttamilstories
#2023
#கிருஷ்ணர்
#மகாபாரதம்
#narrated
#narpavi
#கணவர்
#todaytrending
#stories