សម្ដេចព្រះព្រហ្មរតនៈមុនី ពិន សែម សំណេះសំណាលជាមួយមន្ត្រីសង្ឃទូទាំងខេត្តប៉ៃលិន

ព័ត៌មាន ទទក ប៉ៃលិន៖ សម្ដេច ព្រះព្រហ្មរតនៈមុនី ពិន សែម ព្រះឧត្តមប្រឹក្សាផ្ទាល់គណៈសង្ឃនាយក និងជាសមាជិកថេរៈសភាព្រះពុទ្ធសាសនា នៃព្រះរាជាណាចក្រកម្ពុជា បាននិមន្តសំណេះសំណាល ជាមួយព្រះមន្ត្រីសង្ឃទូទាំងខេត្តប៉ៃលិន ដើម្បីណែនាំអំពីការប្រតិបត្តិធម៌វិន័យ ការគ្រប់គ្រងអប់រំព្រះសង្ឃក្នុងវត្តអារាម ការប្រើប្រាស់ប្រព័ន្ធទំនាក់ទំនងសង្គម ឌីជីថល និងការពង្រឹងតួនាទីភារកិច្ចរបស់មន្ត្រីសង្ឃខេត្តប៉ៃលិន។ ពិធីនេះធ្វើឡើងនៅវត្តពោធិមារាម ហៅវត្តប៉ាហ៊ី ដោយមានការនិមន្តចូលរួមពី ព្រះមន្រ្តីសង្ឃខេត្ត ព្រះចៅអធិការវត្តទូទាំងខេត្ត ព្រមទាំងមានការអញ្ជើញចូលរួមពីសំណាក់ ឯកឧត្ដម សារ៉ាយ ឆុន អនុរដ្ឋលេខាធិការ ក្រសួងធម្មការ និងសាសនា, លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន, ឯកឧត្តម ជា ចាន់ឌិន ប្រធានក្រុមប្រឹក្សាខេត្ត និងថ្នាក់ដឹកនាំ មន្ត្រីរាជការ គណៈកម្មការអាចារ្យវត្ត ផងដែរ 28-08-2024