Tengku Hasan di Tiro Djawa njan Musôh Pusaka keu mandum Bangsa Atjèh

Njoe lam kawan gata njang ban trôih dari nanggroë. Peuë hana tom tadjak keunan bak djrat beulanda di Kuta Radja, di Peutjeut. Njang hinan djituléh bak bintéh, djipheuët bak batèë mar-mar, nan-nan sidadu njang ka teugageuëng keunong beudé, keunong parang ureuëngtjhik geutanjoe. Kalon di antara nan-nan njan siteungoh djawa. Kadang ramè djawa nibak beulanda njang geupoh maté lé ureuëngtjhik geutanjoe. Meutuléh nan bak bintéh njan dum: Soeharto, Sukarno, Tjokrosontolojo dan hana meutateupeuë dum. Pajah djak kalon njan, mangat peujakin droë. Njoe djawa njoe musôh pusaka geutanjoe. Djawa njan nakeuh musôh pusaka keu Bangsa Atjèh! Musôh Pusaka keudroëkeuh njoe bandum! Meunjo njo droëkeuh Bangsa Atjèh. Meunjo hana ka rasa droëkeuh Bangsa Atjèh, tjit hana peukara peuë lôn djak marit malam njoe. TEUTAPI PAKRIBAN MUSÔH PUSAKA NJOE KADJIDJAK SEUMAH LÉ UREUËNG ATJÈH UROË NJOE. KA KADJAK HEI ”BAPAK” KEUDJIH! KADJAK PUMULIA DJIH! KADJAK TÉM TEURIMONG PEURINTAH BAK DJIH! KA TADJAK ANGKÈËDJIH SIBAGOË UREUËNG NJANG PO-PEURINTAH ATEUËH NANGGROË ATJÈH DAN ATEUËH BANGSA ATJÈH! Njoe bandum ka kedjadian. Kon njoe??? Pakriban djeuët keudjadian lagèë njan?! Pakri ék teudjadi lagèë njan?! Deungon buët njang lagèë-lagèë njoe – Bangsa Atjèh Uroë Njoe ka djikhianat keu Éndatudjih, ka djikhianat keu Negara, ka djikhianat keu Bangsa. Atawa meunjo hana takheun ka djikhianat, sabab mungkén hai njan hana djipeugot deungon seungadja. Atra handjeuët han, kareuna ureuëng atjèh handjeuët han ka pungo djih meunjo ka djidja tém lagèë njan, wlaupun hana meukeusud khianat. Ureuëng njang ka pungo hana geuturi lé musôh, hana geutusoë lé rakan. Kon njo? Hana geuteupeuë lé peuë njang meunalèëteuh atawa peuë njang mulia. Hana geuteupeulé toh njang beuna dan peuë njang salah. Hana geuteupeuë lé peuë njang patôt dan peuë njang hana patôt tapubuët. UREUËNG PUNGO HANA DJIMEUDONG LÉ DALAM SAPEUË PEUKARA. Djeuët djipeulaku lé ureuëng njang hana pungo kri njang galak djih…./

Teungku Hasan di Tiro: Lemo djawa dum di Atjèh -    • Leumo djawa dum di Atjèh  

Teungku Hasan di Tiro: Bèk kadjak meudawa deungon padum raka'at seumajang tarawèh -    • Bèk kadjak meudawa/meulho dg padum ra...  

Teungku Hasan di Tiro: Han keumah mardéka meunjo kon tadjak muprang -    • Han keumah mardéka meunjo kon tamuprang