Скачать или смотреть #ક્રિશિવ

#પ્રેરણાદાયક પહેલ... બહેનોની મહેનતથી સેવા અને સમાજસેવાનો અનોખો કાર્યક્રમ યોજાયો...

#ક્રિશિવ ફાઉન્ડેશન, પ્રેરણા મહિલા મંડળ અને પીંગલેશ્વર પૂનમ ગ્રુપ દ્વારા બહેનો માટે એક પ્રેરણાદાયક અને સેવાભાવી કાર્યક્રમનું આયોજન કરવામાં આવ્યું હતું. આ અનોખી પહેલ અંતર્ગત સિલાઈ વર્ગની બહેનો દ્વારા તૈયાર કરવામાં આવેલા તકિયા અને ડ્રેસનું રામદેવ પાલારા આશ્રમમાં આશ્રય લઈ રહેલા જરૂરિયાતમંદ લોકોને વિતરણ કરવામાં આવ્યું. કાર્યક્રમમાં સિલાઈ વર્ગના શિક્ષક રેશ્માબેન કુરેશી અને તેમની વિદ્યાર્થીઓ વિશેષ હાજર રહ્યા હતા. આ કાર્યક્રમ વ્યાયામ શાળામાં આવેલ પાતાળેશ્વર મહાદેવ મંદિર ખાતે યોજાયો હતો, જેમાં સમાજસેવાની ભાવનાનો સુંદર સંદેશ આપ્યો હતો. કાર્યક્રમમાં ભાજપ મહિલા મોરચાના પ્રમુખ પારૂલબેન કારા તેમજ કાઉન્સિલર રસીલાબેનની ખાસ ઉપસ્થિતિ રહી હતી. ઉપરાંત ક્રિશિવ ફાઉન્ડેશન, પ્રેરણા મહિલા મંડળ અને પીંગલેશ્વર પૂનમ ગ્રુપના પ્રમુખ, હોદ્દેદારો અને મંડળની બહેનોનો નોંધપાત્ર સહયોગ રહ્યો હતો. કાર્યક્રમ દરમિયાન કચ્છની આશાસ્પદ યુવતી રાજવીની પુણ્ય સ્મૃતિમાં માનવ જ્યોત સંસ્થા દ્વારા પ્રબોધભાઈ મુનવર અને મંડળની બહેનો દ્વારા કુંડા અને ચકલી ઘરની વિતરણ સેવા પણ કરવામાં આવી હતી. આ સેવાકાર્યે ઉપસ્થિત લોકોને ભાવવિભોર કર્યા હતા.
સાંસ્કૃતિક રંગ પણ ઉમેરતા હેતલબેન ગોર દ્વારા મ્યુઝિકલ હાઉઝીનું આયોજન કરવામાં આવ્યું, જેમાં ભાગ લેનાર બહેનોમાં ઉત્સાહ જોવા મળ્યો. રમતમાં જીતનાર બહેનોને ઇનામ આપી સન્માનિત કરવામાં આવી હતી. આ સમગ્ર કાર્યક્રમ એનું જીવંત ઉદાહરણ રહ્યો કે કોઈના કૌશલ્ય અને મહેનત દ્વારા સમાજના જરૂરિયાતમંદ લોકો સુધી સહાય પહોંચાડી શકાય છે. આવા સેવાભાવી કાર્યક્રમો સમાજમાં એકતા, સહકાર અને માનવતાના મૂલ્યોને મજબૂત બનાવે છે.

#અહેવાલ પ્રતિનિધિ, જૈમિની ગોર ભુજ દ્વારા.