Safarka Dib-u-dejinta Qaxootiga ee dalka Kanada

Fiidiyowgan ayaa la soo saarey ka hor cudurka safmarka ah ee COVID-19. Sawirrada qaar ayaa laga yaabaa in aysan muujin tallaabooyinka kala-fogaanshaha bulshada.

Dib-u-degidda dalka Kanada ee qaxooti ahaanta ayaa waxaa ka buuxa filasho, rajo iyo caqabado.

Wax weyn bay taraysaa in la oggaado waxa la filyo iyo adeegyada iyo taageerada aad heli karto marka aad tahay qaxooti dib-u-dejin loo sameeyay si lagaaga caawiyo in degidda dalka Kanada.

Ka hor inta aadan imaan, ayaa waxaad tababarka Hannuuninta Kanada ee Dibedda ka soo qaadan kartaa hay’adda Caalamiga ah ee Socdaalka. Tani waxay kugu caawin doonta in aad wax badan ka oggaato dalka Kanada iyo sida loogu diyaar-garoobo safarka.

Marka ugu horreysa ee aad timaado dalka Kanada adiga oo qaxooti dib-u-dejin loo soo sameeyay ah, hay’ad ay maalgeliso Dowladda Kanada ama kafaala-qaadayaashaada gaarka ah ayaa gacan kaa siin doonna daboolidda baahiyadaada degdegga ah. Waxay kugu soo dhaweyn doonnaan garoonka diyaaradaha, waxay ku siin doonnaan meel aad si ku meelgaar ah u joogto iyagga oo kaa caawin doonna in aad hesho guri joogto ah. Waxay sidoo kale kaa caawin doonnaan in aad xisaab banki furato, in aad carruurtaada iskuul ku qorto, iyo in aad barato sida loogu dhex socda bulshadaada cusub.

Sida qaxooti dib-u-dejin loogu sameeyay dalka Kanada ahaan, ayaa waxaad sidoo kale heli kartaa adeegyada degidda oo bilaash ah si lagaaga caawiyo in aad la qabsato oo aad ku dhex guuleysato bulshadaada cusub gudaheeda.

Adeegyadan ayaa waxaa bixiya ururro uu maalgeliyo Barnaamijka Dejinta ee Dowladda Kanada, waxayna kaa caawin karaan:
• Abuurista qorshaha dejin shakhsiyadeed oo ku saleysan baahiyadaada iyo awoodahaaga, iyada oo loo dirayo kooxo ama ururro ku caawin kara.
• Wax badan ka baro nolosha dalka Kanada.
• Baro Af Ingiriis ama Af Faransiis.
• Shaqo hel, shabakadaada xirfadeed dhis oo horumari kobaca xirfadaada shaqo.
• La xiriir dadka kale ee dhowaan yimid iyo Kanadiyaanka ka tirsan bulshadaada.

Si aad u hesho adeegyada dejinta oo bilaash ah oo kuu dhow, fadlan booqo: https://www.cic.gc.ca/english/newcome...

Ka hel jawaabaha su’aalahaaga baraha bulshada:
Facebook: Hay’addda Socdaalka iyo Jinsiyadaha ee Kanada   / citcanada  
Twitter : @CitImmCanada   / citimmcanada