ពីធីបំបួសនាគ (ព្រះពុទ្ធសាសនា)

#ពីធីបំបួសនាគ (ព្រះពុទ្ធសាសនា)
ពាក់ព័ន្ធនឹងការបំបួសនាគខ្នានដែលមានកំណត់ត្រាក្នុងទំព័រប្រតិទិននាថ្ងៃទី២១ កក្កដា ២០១៣ នោះ ត្រូវបានព្រះតេជគុណព្រះនាមបវរមុនី ឈិត សុផៃ ព្រះវិន័យធរបានមានសង្ឃដីកាឱ្យដឹងថា ពាក្យថាបំបួសនាគខ្នាន និងបំបួសនាគ គឺជាពិធីតែមួយគ្មានអ្វីក្រៅពីបំបួសកុលបុត្រហ្នឹងទេ ។ បំបួសនាគមានន័យថា ជាការបំបួសកុលបុត្រមិនថា ក្មេង ឬចាស់ឡើយ ឱ្យតែបុគ្គលនោះមានសទ្ធាចង់ក្លាយជាព្រះសង្ឃ ។ ចំពោះការបួសប្រសិនបើបុគ្គលនោះចង់បួសត្រឹមតែជាសាមណេរ គឺមិនប្រកាន់អាយុឡើយ តែបើចង់បួសជាភិក្ខុទាល់តែមានអាយុ២០ឆ្នាំពេញឡើងទៅទើបអាចបួសបាន ។ ឯបុគ្គលដែលគេហៅថា នាគ គឺជាអ្នកដែលត្រូវបួស ស្ថិតក្នុងពេលរៀបចំពិធីបំបួសនោះឯង លុះពេលបំបួសរួចរាល់បុគ្គលនោះនឹងក្លាយជាព្រះសង្ឃលែងជានាគទៀតហើយ ។
ព្រះអង្គបន្តទៀតថា ការបួសជាព្រះសង្ឃមានន័យថា ព្រះសង្ឃរូបនោះចង់បំពេញបុណ្យកុសលក្នុងព្រះពុទ្ធសាសនាគេចង់បំពេញភារកិច្ចជាកូនប្រុសសងគុណមាតាបិតា ម្យ៉ាងទៀតគឺគេចង់បម្រើព្រះពុទ្ធសាសនាតែម្តង ។ សម្រាប់លក្ខខណ្ឌនៃការបួស ព្រះសង្ឃបានកំណត់ថា បុគ្គលដែលចង់បួស ទី១-បុគ្គលខ្លួនឯងត្រូវតែមានកាយសម្បទាគ្រប់គ្រាន់, ទី២-ត្រូវតែមានការអនុញ្ញាតពីមាតាបិតា, ទី៣-ត្រូវតែជាអ្នកមិនជាប់បំណុលគេ និងទី៤-អ្នកនោះឯងមិនជាអ្នកជាប់ទោស ។ បើបុគ្គលនោះមានលក្ខណសម្បត្តិគ្រប់គ្រាន់ ហើយមានសទ្ធាចង់បួសទៀត បុគ្គលនោះឯងអាចបួសពេលណាក៏បាន ព្រោះពិធីបំបួសនាគអាចធ្វើបានពេញមួយឆ្នាំមិនមានការកំណត់ឡើយ ។ ប៉ុន្តែបើបំបួសនៅថ្ងៃ១៤កើត (ថ្ងៃកោរ) ខែអាសាឍ មុនចូលព្រះវស្សា២ថ្ងៃ គឺល្មមពេលគ្នានឹងព្រះសង្ឃគង់ចាំព្រះវស្សារយៈពេល៣ខែ តាមព័ទ្ធសីមារបស់ព្រះសម្មាសម្ពុទ្ធ ហើយអ្នកបួសថ្មីយកពេលគង់ចាំព្រះវស្សានេះ សិក្សាគម្ពីរធម៌ រៀនសូត្រធម្មវិន័យបានតាមការគួរ ៕

More video:
សម័យអាណាចក្រភ្នំ ឬ សម័យហ្វូណន់ |Fúnán https://www.youtube.com/watch?v=BPYjg...
សម័យចេនឡា | Zhēnlà https://www.youtube.com/watch?v=Myryv…
ហេតុអ្វីបានជាគេប្រើកូនក្រក ? | Why use Konkrok ? https://www.youtube.com/watch?v=kZzb0... តើអ្នកជឿទេថាមានខ្មោចសង្កត់? | Do you believe in ghosts? https://www.youtube.com/watch?v=xQgpa... US:
*************************************
FB:   / discoveryinsider  
YouTube:    / @discoveryinsider