Saatlıda etiraz: "Suya görə döyüldük, güllələndik"

Saatlı sakinlərinin təmiz su uğrunda mübarizəsi davam edir. Saatlı sakinləri deyir ki, suyun çatışmaması ekoloji səbəblərdən irəli gəlmir. Onlar iddia edir ki, çaydan gələn suyun kimliyi dəqiq bəlli olmayan vəzifəli şəxslərin təsərrüfatlarına axması üçün hidrotexniki qurğular quraşdırılıb. Nəticədə kəndlilərin əkin sahələrinə axan suyun qarşısı alınıb.
İçməli suya olan tələbatları qarşılanmayan Saatlı sakinləri suyu pulla almağa məcbur olur. Amma Saatlıda su təkcə yaşamaq üçün zəruri ehtiyac deyil, həm də onların işinin və dolanışığının mühüm tərkib hissəsidir, onsuz bütün həyat tərzi risk altındadır.
Susuz qalıb məhsul verə bilməyən torpaq Saatlı camaatının susuzluğa qarşı apardığı mübarizədə məruz qaldığı laqeydlik haqqında çox şey deyir.
Məhv olmuş məhsullarını göstərən təsərrüfatçı Elçin Nuruşov deyir ki, susuzluq özü ilə birgə kəndə aclığı da gətirəcək.
Bəs Saatlı camaatını kim susuz qoyur? Çay sularının qarşısının kəsilməsiylə bağlı Ekologiya və Təbii Sərvətlər Nazirliyinə zəng vursaq da, sualı eşidən kimi dəstəyi asdılar.
Saatlı sakinləri martin 13-də su tələbiylə yolu bağlamağa cəhd göstəriblər. Polis rezin güllədən istifadə etməklə aksiyanı yatırmağa çalışıb.

Kanala abunə ol - https://goo.gl/TcM9Fm
Bizə maddi dəstək ol https://cutt.ly/destek

WebSite: http://www.meydan.tv
Facebook: http://fb.com/MeydanTelevision
Twitter:   / meydantv  
Google+ https://plus.google.com/+MeydanTelevi...
İnstagram:   / meydantv  
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277