梁頌昕返港 【行李事件後近半年】三父女彭福公園放狗 - AC

Описание к видео 梁頌昕返港 【行李事件後近半年】三父女彭福公園放狗 - AC

特首梁振英，特事特辦，今年4月遭踢爆涉濫權向機場員工施壓，令幼女梁頌昕享特權由國泰職員代送行李入禁區，行李門風波引起社會關注機場保安。

事件發生近半年，好似不了了之。3名空姐6月入稟高院申司法覆核，指機管局越權、不符程序，要求法庭裁定違法，但現於史丹福大學修讀國際政策研究碩士嘅梁頌昕，卻一直未見現身。原來佢已經返港，噚日仲同梁振英、梁齊昕一家三口去放狗，咁啱噚日梁振英被《蘋果》踼爆佢為橫洲成立工作小組做主席(詳見： http://bit.ly/2d7PnHO )，而今日特首辦最新回應中，沒有確實回應曾任多少開發項目小組主席，故仍未能釋除外界疑慮(詳見：http://bit.ly/2datev4 )。

梁齊昕今午在ig轉貼一張噚日放狗嘅相，地點係沙田彭福公園，三父女帶埋兩隻狗，合照仲有三個女仔與兩隻狗狗。原圖擁有者叫Amy，佢寫道:「今日同特首同齊昕BB放狗，雖然有小插曲，但都好開心。」相中梁頌昕樣子改變不大，當然相中亦未見手提行李啦。另梁齊昕ig仲貼咗張腳傷嘅相，傷痕纍纍……
梁齊昕接受《蘋果》訪問時話：「噚日去放狗呀！係噚日去嘅！」至於腳傷，佢自己都笑住咁話：「係呀！我又仆親，基本上日日都仆親0架！」

Комментарии

Информация по комментариям в разработке

Похожие видео