Скачать или смотреть Finger Millet Energy milk කිරි වෙනුවට බොන්න පුලුවන් ශක්තිජනක අපේ කැඳ එකක් by Kusala's Simple Life

Finger Millet Energy milk කිරි වෙනුවට බොන්න පුලුවන් ශක්තිජනක අපේ කැඳ එකක් by Kusala's Simple Life

මේ වටිනා ලිපියත් කියවන්න

කුරහන්වල විශ්මිත ගුණ....
*******************************
සුබ දවසක් ඔයාලට....
අද මම ගෙනාවෙ අපගේ ශරිර සෞඛ්‍යයට මහඟු මෙහෙයක් කරන කුරහන් ධාන්‍ය වර්ගය...කියවලා බලන්න...මං නොදන්න දේ ඔබත් ලියන්න.....සියලු දෙනාගෙ අදහස් ගොඩක් වැදගත්👉👉 ..

දියවැඩියා රෝගීන්ට ඉතා ගුණදායක ආහාරයක් ලෙස සැලකෙන කුරහන් අපේ ගැමි ජීවිතය සමග සමීප සම්බන්ධතාවයක් දක්වන ධාන්‍ය විශේෂයකි. අද අපි කුරහන් පිටි වෙළදපොලෙන් මිලට ගත්තද, අතීතයේදී කුරහන් නිවසේදීම පිටි කර ගත් අතර ඒ වෙනුවෙන් කුරහන්ගලක් හැම නිවසකම එදා තිබුනි. මේ නිසා අද අපි සැක උපදවා ගන්නා අන්දමට විවිධ වර්ණ කාරක හෝ පිටි වර්ග කලවම් කරනු ඇතැයි සැකයෙන් මිදෙන්නට හැකි විය.

අපේ රටේ වගේම විවිධ රටවලත් කුරහන් ඖෂධීය ප්‍රතිකාර වෙනුවෙන්ද භාවිතා කරන ඇත. දකුණු අප්‍රිකානුවන් ලාදුරු රෝගය වෙනුවෙන් කුරහන් යොදා ගත් අතර ඉන්දු චීනයේදී අක්මා රෝග වෙනුවෙන් වූ ප්‍රතිකාර සදහා කුරහන් යොදා ගෙන ඇත. ඉන්දුනීසියාවේ එළවලුවක් ලෙසින්ද, ඉන්දියාවේ ගෝව ප්‍රාන්තයේදී කුරහන් පිටි පපුවේ රෝග වෙනුවෙන්ද, වියට්නාම ජාතිකයන් මුත්‍රාකාරක ඔසුවක් ලෙසින් සහ සුමාත්‍රා වැසියන් පණු රෝග සඳහා කුරහන් යොදා ගෙන ඇත.

කුරහන් යොදා ගෙන පිලියෙල වෙන විවිධ ආහාර වර්ග ඇත. ඒ අතර අද කුරහන් කැඳ වෙනුවෙන් විශාල ඉල්ලුමක් ගොඩ නැගෙමින් පවතී. කුරහන් පිටි ස්වල්පයක් ගෙන වතුර සමග හොදින් දියකර ලුණු ස්වල්පයක් දමා ලිප තබන්න. මෙහි පිටි භාජනයේ අඩියේ නොඇල්ලෙන සේ හැදි ගාමින් පිසින්න. අවශ්‍ය නම් පොල් කිරි ස්වල්පයක් එක් කර එය පැසෙන විට බිමට ගන්න. ඔබගේ රුචිය අනුව අවශ්‍ය නම් සීනි හෝ හකුරු සමග පානය කරන්න.

රොටි

හාල් පිටි සමග කුරහන් පිටි මිශ්‍ර කර ගෙන පොල් සහ ලුණු දමා අනන්න. කෙසෙල් කොලයක වඩාගෙන එය රොටී කබලක දමා හොඳින් පුලුස්සා ගන්න.

තලප

කුරහන් පිටිවලට ජලය එක් කරගෙන ලිප තබා එය ගොරෝසු මිශ්‍රණයක් වන සේ පිසින්න. කිරි හොදි හෝ පොල්කිරි සමග මෙම තලප ආහාරයට ගත හැකියි.

කුරහන් පිට්ටු

කුරහන් පිටිවලට හාල් පිටිද එක් කරන්න. පොල් සහ ලුණු එකතු කරගෙන සාමාන්‍ය පිට්ටු මෙන් මල් කරමින් අනන්න. පිට්ටු බම්බුවකට දමා ඉදෙන තුරු පිසින්න. පොල් කිරි සහ ලුණු මිරිසක් සමග ආහාරයට ගන්න.

කුරහන් ඉදිආප්ප

හාල් පිටි සමග මිශ්‍රකර ගෙන උණුවතරෙන් අනාගත් මිශ්‍රණයෙන් සාමාන්‍ය විදිහට ඉදිආප්ප පිලියෙල කර ගත හැකියි.

හැලප

කුරහන් පිටි සීනි සහ පොල් එකට අවා ගෙන එයින් කුඩා කොටස් කැන්ද කොලයක තුනීවට අතුරා ගෙන කොලය දෙකට නවා වාෂ්පෙන් තම්බා ගන්න. ඔබට අවශ්‍ය නම් මුලින් පොල් සහ සීනි එක් නොකොට පැණි පොල් මිශ්‍රණය මැදට තබා ගෙන තම්බා ගැනීමටත් පුලුවන්.

දියවැඩියා රෝගීන්ට කුරහන් ඉතා ගුණදායක වේ. බඩගින්න අඩු කරන රළු ආහාරයකි. යාග හෝම වැනි ශාන්ති කර්මවලදී මෙන්ම කැඩුම් බිඳුම් වෙදකම්වලදිත් කුරක්කන් පිටි යොදා ගනී. බෝඹු පොතු ලුණු වතුරෙන් ගලගා ගෙන කුරක්කන් පිටි සමග මිශ්‍ර කර ගෙන අදාල ස්ථානයන්හි ආලේප කරනු ලැබේ.

කුරහන්වල පෝෂණ සංයුතිය
පෝෂණය ප්‍රමාණය
කැලරි 328
තෙතමනය ග්‍රෑම් 13.1
ප්‍රෝටීන් ග්‍රෑම් 7.3
මේදය ග්‍රෑම් 1.3
කාබොහයිඩ්රේට් ග්‍රෑම් 72
කැල්සියම් මි.ග්‍රෑම් 344
පොස්පරස් මි.ග්‍රෑම් 283
යකඩ මි. ග්‍රෑම් 6.4
කැරොටින් මයික්‍රොග්‍රෑම් 42
තයමින් මයික්‍රො.ග්‍රෑම් 420
රිබොප්ලේවින් මයික්‍රො.ග්‍රෑම් 190
නයසින් මි.ග්‍රෑම් 1.1

ඔබට නීරෝගී සුවබර දිවියක්.......!!!
ස්තුතියි පුණ්‍යා චාන්දනී මහත්මියට..

Written by Kusala Jayamanna .....