Скачать или смотреть အိမ်ကို ပြန်မရောက်လာနိုင်တော့တဲ့ ကျောင်းသူလေး ဝိထိရရဲ့ ကံကြမ္မာဆိုး (ဖြစ်ရပ်မှန်)

၂၀၁၅ ခုနှစ်၊ မေလ ၁၃ ရက်နေ့ ည ၆ နာရီဝန်းကျင်လောက်မှာ Vithiya ရဲ့မိသားစုတွေက ဂျဖ်နာ ရဲစခန်းကို ရောက်လာခဲ့ပါတယ်။ အဲဒီရဲစခန်းက သီရိလင်္ကာနိုင်ငံက ကျွန်းကလေးတစ်ကျွန်းဖြစ်တဲ့ ပဂူတီဝူကျွန်းကလေးမှာ ရှိတာပါ။ မိဘတွေက သူတို့ရဲ့ သမီးလေးက ကျောင်းကနေ ပြန်ရောက်ချိန်တန်တာ ကြာပြီဖြစ်ပေမယ့် ပြန်မရောက်လာတဲ့အတွက် ရဲစခန်းမှာ လူပျောက်လာတိုင်တာပါ။ Vithiya က ၁၈ နှစ်အရွယ် အင်္ဂလိပ်စာကို လေ့လာနေတဲ့ ကျောင်းသူလေးပါ။ သူ့ရဲ့ကျောင်းက ညနေ ၂ နာရီဆို ဆင်းပါပြီ။ သူက ကျောင်းဆင်းတာနဲ့ အိမ်ကို တန်းပြန်လာတတ်တဲ့ သမီးမျိုးပါ။ အကယ်၍ အချိန်ပိုရှိတာတို့ အခြား လုပ်စရာရှိတာတို့ကြောင့် နောက်ကျမယ်ဆိုရင်လဲ အမေ့ကိုကြိုပြောထားတတ်တဲ့ သမီးအလိမ္မာလေးပေါ့။ ဒါပေမယ့် အဲ့ဒီနေ့ ၂၀၁၅ ခုနှစ် မေလ ၁၃ ရက်နေ့မှာတော့ သမီးလေး Vithiya က ညနေစောင်းတဲ့ထိ အိမ်ကို ပြန်မရောက်လာတဲ့အတွက် မိဘတွေက စိတ်ပူပြီး ရဲစခန်းကို လာတိုင်ကြတာပါ။ ရဲစခန်းက တိုင်ချက်ကို အလေးထားပြီး ချက်ချင်းရှာဖွေမှုတွေ လိုအပ်တာတွေ လုပ်ရမယ့်အစား တိုင်ချက်ကိုတောင် မဖွင့်ပေးသေးဘဲနဲ့ စောင့်ကြည့်ပါဉီး၊ ခင်ဗျားတို့ သမီးက လင်နောက်လိုက်သွားတာလဲ ဖြစ်ချင်ဖြစ်နေမှာဆိုပြီး ထိုင်စောင့်ခိုင်းထားတယ်။ Vithiya မိဘတွေ ထိုင်စောင့်နေချိန် ရဲတွေက အလုပ်များနေလို့လားဆိုတော့ များမနေပါဘူး။ အချင်းချင်း အလာပ သလာပ ပြောပြီး ရယ်မောနေကြပါသေးတယ်တဲ့။

Disclaimer:
Rocky the StoryTeller YouTube Channel is not an investigative journalist or original news source. The content on this channel is compiled and presented based on publicly available information and crime news recaps, intended solely for entertainment and educational purposes. This channel uses images and information in accordance with YouTube's Fair Use policy. All rights and credits for the original information, images, and sources used in the videos belong to their respective owners.

#truecrimestories
#truecrimecommunity
#crimedocumentary
#ဖြစ်ရပ်မှန်မှုခင်း