Скачать или смотреть APHI KACHERUI (Back slide) drifting

APHI KACHERUI
Arnam aphan kekroitang pen aphi kacherui abangphutin aphan aduk pi. Lahelo, Alangliphan kekroi atum an halabangso aduk kephophedetjile Arnam aphan kekroi pen aphi cheruiredet nangji.
(Judas Iskoriot)
ARNAM APHAN KEKROI PEN APHI KACHERUI ABANGKE AMETHANG ANING KEHANGSI KACHEPEPLENG
Sarlamthe 14:14 along than pemelo, pima “Kahingno atum halatum aning arlo amethang atovar pensi plengset, kemesen amonit halatum akam hei hei apot nong-e longji.”
Isaiah 1:4 along than thulo, pima, “Nangtum kevirlo, nang pap pen keplengset adet, nangtum atangka chochot atum lapen kahingno arat! Nangtum apapsi nangtum aphan arum nangsan ponlo! Nangtum HEMPHU aphan, Istael akanghtir aBang aphan dengmololapen la aphan nangtum panungkuklo.”
Jeremiah 14:7 alongke pulo, Netum Nang pen ongdung abatai suilo; netum Nangphan langplotsi pap klemlo.”
Hosea 11:7 along puthulo, pima, “Latum Ne pen chepaheloverjisi klem, latum aphuthak arthang kardik apot hangserji bonta baduta latum aphan la rungdunhurhelo.”

ARNAM APHAN KEKROI PEN APHI KACHERUI ABANGKE DHOROM AKENANG ALAM APHAN CHEMATHATHE
Lasi Matheu 24:12 along thanlo, pima, “Akahingno kelitbom apotsi ongmuchot atum akanghon ingsamji.”

ARNAM APHAN KEKROI PEN APHI KACHERUI ABANGKE HALATUM ARNAM ARAT APHAN A-OT AVE
Luke 9:62 along thanlo, pima “Jisu alangliphan pulo, Badutame , langnoi otdetsi aphi anat kachelang abangke Arnam Arat aphan ale ave.”
Galatia 1:6 alongke thanlo, pima, “Khristo akangjinso angbong nangkapedojisi nanglitum aphan nangkepha abang aphan ake prap pen osi akaprek abirta keme denglo.”

ARNAM APHAN KEKROI PEN APHI KACHERUI ABANGKE PUTHOT BANBI CHEPLANGTHU
Galatia 4:9 along than pemelo, pima, “Nonke nanglitum Arnam aphan chinilo, mate la aparta Arnam nanglitum aphan nangchinilo, tangte nanglitum kopusi hala ajakong kave lapen keboidet kapangri akarjong atum anat cheruithuvoiphak loma? Nanglitum kopi apotsi halatum aban kacheplangthuji ning hangloma?”

ARNAM APHAN KEKROI PEN APHI KACHERUI ABANGKE HALATUM AHOK ANINGKANGSAM AVE
Ibri 10:38 along thanlo, pima, “Halatum angbong inutbak aphi cherui lote ne alangphan asapta ning dokdedetji.”
2Pitor2:20 along thanthulo pima, “Monit atum Hemphu lapen kapejok aBang, Jisu Khristo aphan kachini pen ajok pirthe kapahingnothek ajakong pen jokphlot seta aphi lahei hei akahingno along damthura chingnangdamsi kahingno pahai longdet lote latum aphrang apar hingno muchot cheplang.”

ARNAM APHAN KEKROI PEN APHI KACHERUI ABANGKE KARJONG ANINGKEHANG CHEPANGBO
Kapeklang 2:4 along pulo, pima, “Nangli aphrang asonthotke non Nephan Ne inghonhedetlo.”