Скачать или смотреть මැදපෙරදිග රටවැසියන් වෙනුවෙන් රජය මැදිහත් විය යුතුයි විපක්ෂ නායකවරයා

මැදපෙරදිග කලාපයේ සේවය කරන රට විරුවන් රැක ගන්න ගත හැකි උපරිම ක්‍රියාමාර්ගය වත්මන් රජය ගත යුතුයි - විපක්ෂ නායක සජිත් ප්‍රේමදාස මහතා

මේ මොහොත වන විට අප රටේ වැඩිහිටි පරපුර තරුණයන් දරුවන් ළමුන් සහ කාන්තාවන් පීඩන රැසකට මැදි වී ඇති බවත් අප රටට විදේශ ප්‍රේෂණය ලබා දෙන දශ ලක්ෂයක් ශ්‍රමිකයන් මැදපෙරදිග සේවය කරන බවත් මැදපෙරදිග කලාපයේ ආරම්භ වූ යුද්ධය නිසා මොවුන්ගේ රැකියා සහ ජීවිත අනතුරට ලක්ව තිබෙන බවත් මොවුන් අප රටට දැවැන්ත හුස්මක් ලබා දෙමින් විදේශ විනිමය අප රටට එවනු ලබන බවත් මේ යුද්ධය ක්‍රියාත්මක වන මොහොතේ අප රටේ රට විරුවන් ආරක්ෂා කර ගැනීමට රජය කටයුතු කළ යුතු බවත් විපක්ෂ නායක සජිත් ප්‍රේමදාස මහතා පැවසීය.
විපක්ෂ නායක සජිත් ප්‍රේමදාස මහතා මේ බව කියා සිටියේ අද අනුරාධපුර දිස්ත්‍රික්කයේ ඔත්තප්පුව රංකෙතගම දී පාසල් ළමුන් 850 දෙනකුට පාසල් උපකරණ ලබා දීම වෙනුවෙන් පැවැති ජන හමුවක් අමතමිනි.

පාසල් දූදරුවන්ට නිල ඇදුම් ලබා දීම ආරම්භ කරන ලද්දේ රණසිංහ ප්‍රේමදාස මහතා බවත් එතුමා නිල ඇදුමට අමතරව දිවා ආහාරය පවා දුන්නත් අද එය කප්පාදු වී ඇති බවත් මේ දරුවන් අප රටේ සම්පත බැවින් රටේ අනාගතය බාර ගන්නා මේ දූදරුවන්ට සෑම දෙමාපියෙක්ම නිසි නිවැරදි මාර්ගය පෙන්වා දිය යුතු බවත් ඒ වෙනුවෙන් ඔවුන්ට දහම් අධ්‍යාපනය මෙන්ම පාසල් අධ්‍යාපනය ලබා දීමත් හොඳ සෞඛ්‍ය සම්පන්න දරුවකු බවට පත් කරන්නට සමබර ආහාර අවශ්‍යතාව දිය යුතු බවත් විපක්ෂ නායකවරයා පැවසීය.

මේ වන විට ගොවිතැන් කරන වී වගාව කරන ගොවියාගේ ස්ථාවරය අහිමිවී ඇති බවත් පසුගිය මැතිවරණ සමයේ වත්මන් රජයේ ඇමතිවරු කුඹුරට බැස ගොයම් කකා වී කිලෝවට රු. 150ක සහතික මිල රටේ නීතිය බවට පත් කරන බව පැවසුවත් දැන් රු. 120 සහතික මිලවත් නොමැති බවත් විෂය භාර අමාත්‍යවරයාට අනුව සහතික මිල දෙන්න තවත් වසර 2ක් යන බවත් වී කිලෝවට 80ක් දුන්නත් ඉන් වියදම පවා ආවරණය කල නොහැකිව ගොවියා අසරණ වී ඇති බවත් විපක්ෂ නායකවරයා පැවසීය.

අද වන විට රටේ තුනෙන් එකකට ආසන්න ප්‍රමාණයක් දුප්පත් බවට ජාත්‍යන්තර මූල්‍ය ආයතන පවසන බවත් මේ තරම් රටේ ප්‍රමාණයක් දුප්පත් වෙලත් ක්‍රමයේ වෙනසක් කරනවා කියූ වත්මන් රජය ගල් අගුරුවලින් පවා ගසා කන බවත් නොරොච්චෝලේ බලාගාරයට මෙතෙක් ආව නැව් 10ම ප්‍රමිතියෙන් තොර බවත් නොරොච්චෝලේ බලාගාරයට කවදාවත් නොමැතිව මෙගාවොට් 900 නිපදවන්න නොහැකි වී ඇති බවත් බලාගාරයේ වාර්තාවලින් පවා මේවා පැහැදිලිව පෙන්නුම් කරන බවත් මේ සම්බන්ධයෙන් ඇමතිවරු පවා පිළිගෙන ඇති බවත් විපක්ෂ නායකවරයා පෙන්වා දුන්නේය.

මෙවැනි තත්ත්වයක් තිබියදී රජයේ මැති ඇමතිවරු ගෞරවනීය මහා සංඝරත්නයට අපහාස කිරීම නින්දා කිරීම හා අවලාද නැගීම සිදු කරන බවත් ස්වාමීන් වහන්සේලාට වනචාරීන් යැයි අමාත්‍යවරු ආමන්ත්‍රණය කරන බවත් මොවුන් ආණ්ඩුක්‍රම ව්‍යවස්ථාවෙන් බුදුදහමට මුල්තැන ලබා දීම ගැනවත් හරියට නොදන්නා බවත් සුළු දෙයක්වත් නොදන්න පිරිසක් ආණ්ඩු බලය ලබා ගෙන ඇති බවත් විපක්ෂ නායකවරයා පැවසීය.

#SriLanka #MiddleEastCrisis #SriLankanWorkers #OppositionLeader #SajithPremadasa #FarmersCrisis #PaddyPrice #TeachersAndStudents #SchoolChildren #Norocholai #CoalPower #FuelScandal #MonksRespect #BuddhistHeritage #EconomicCrisis #SriLankaNews
#ශ්‍රී_ලංකාව #මැදපෙරදිග_අර්බුදය #රට_විරුවන් #විපක්ෂ_නායක #සජිත්_ප්‍රේමදාස #ගොවි_ජනතාව #වී_මිල #පාසල්_ළමුන් #නොරොච්චෝලේ #ගල්අගුරු_ගැටලුව #සංඝරත්නය_ගෞරවය #ආර්ථික_අර්බුදය #දිවයින_පුවත්