Скачать или смотреть Balkonga uy qurganlarga chora ko'rildi

Poytaxt hududida o‘tkazilgan reyd tadbirlari: ko‘p qavatli uyning yuk ko‘taruvchi konstruksiyalarini buzgan hamda balkon qismiga o‘zboshimchalik bilan o‘zgartish kiritgan mulkdorlarga nisbatan choralar ko‘rildi

Qurilish va uy-joy kommunal xo‘jaligi sohasida nazorat qilish inspeksiyasi xodimlari tomonidan poytaxt bo‘ylab ko‘p qavatli uylarning texnik holatini o‘rganish maqsadida kuchaytirilgan tartibda nazorat tadbirlari olib borilmoqda.

Reyd tadbirlari davomida ayrim mulkdorlar tomonidan ko‘p qavatli uylarning yuk ko‘taruvchi konstruksiyalarini buzish, shuningdek, balkon qismlariga o‘zboshimchalik bilan o‘zgartish kiritish holatlari aniqlandi. Mazkur holatlar binolarning mustahkamligi va seysmik barqarorligiga salbiy ta’sir ko‘rsatishi mumkin.

Aniqlangan qoidabuzarliklar yuzasidan mulkdorlarga nisbatan belgilangan tartibda tegishli choralar ko‘rildi hamda qonunchilik talablariga muvofiq ravishda bartaraf etish bo‘yicha ko‘rsatmalar berildi.