Скачать или смотреть ការធ្វើពាណិជ្ជកម្មរបស់កម្ពុជា ជាមួយប្រទេសជិតខាងទាំង៣ ក្នុងរយៈពេល៧ខែដំបូងឆ្នាំ២០២៥នេះ

ពាណិជ្ជកម្មនាំចូលទំនិញពីប្រទេសថៃមកកម្ពុជា ធ្លាក់ចុះ ៤៤% ក្នុងខែកក្កដាកន្លងទៅ ក្រោយពេលច្រកព្រំដែនគោកត្រូវបានបិទ ផ្ទុះសង្គ្រាមជាមួយគ្នា និងមានការធ្វើពហិការមិនទិញទំនិញថៃ។ ក៏ប៉ុន្តែតួលេខគិតពីខែមករាដល់ខែកក្កដា បង្ហាញថាការនាំចូលទំនិញពីថៃមកកម្ពុជានៅតែមានចំនួនប្រហាក់ប្រហែលគ្នា ធៀបនឹងរយៈពេល៧ខែដំបូងឆ្នាំ២០២៤។

ទិន្នន័យពីអគ្គនាយកដ្ឋានគយ និងរដ្ឋាករកម្ពុជា បង្ហាញថា ក្នុងខែកក្កដាឆ្នាំ២០២៥នេះ ពាណិជ្ជកម្មនាំចេញនាំចូលទំនិញរវាងប្រទេសកម្ពុជា និងប្រទេសថៃ សម្រេចបានចំនួន ២០៧លានដុល្លារ ថយចុះ ៤២% ធៀបនឹងខែកក្កដាឆ្នាំ២០២៤។ ក្នុងនោះការនាំចេញពីកម្ពុជាទៅថៃថយចុះ ៣១% មកនៅត្រឹមចំនួន ៤១លានដុល្លារ ខណៈការនាំចូលពីថៃក៏ថយចុះ ៤៤% មកនៅត្រឹមចំនួន ១៦៦លានដុល្លារ។ កត់សម្គាល់ថាការធ្លាក់ចុះនេះ បណ្ដាលមកពីច្រកព្រំដែនគោករវាងប្រទេសទាំងពីរត្រូវបានបិទទាំងអស់ចាប់តាំងពីថ្ងៃទី ២៤មិថុនា ធ្វើឡើងមុនដោយយោធាថៃ និងបន្តបិទមកទល់ថ្ងៃទី៩ ខែសីហានេះ នៅមិនទាន់បើកវិញនៅឡើយ...
------------
#poipetinsider #cambodia #economic #trade #finance #thailand #vietnam #laos