Скачать или смотреть მოყვარულ მოჭადრაკეთა რაიონული პირველობა

აღნიშნული ტურნირი ყოველწლიურად იმართება და მასში მონაწილეობის მიღება ყველა მოყვარულ მოჭადრაკეს შეუძლია. ამჯერად სულ 11 მოყვარული ასპარეზობდა, 4 ქალბატონი და 7 მამაკაცი.
ტურნირი აწ გარდაცვლილ მწვრთნელ–მასწავლებლს, საჭადრაკო წრეებში მეტად დაფასებული პიროვნების, ანზორ მაჩიტიძის ხსოვნას ეძღვნებოდა. შეჯიბრი მოჭადრაკე რეზო შანიძემ გახსნა და ერთგვარი ექსკურსი მოაწყო ანზორ მაჩიტიძის ცხოვრებაზე და მისი როგორც მოჭადრაკის მნიშვნელობაზე. შეჯიბრის მთავარი მსაჯი ბესო ლეჟავა, ხოლო მსაჯი ნინო ჯვარშეიშვილი გახლდათ.
შედეგები ასე გადანაწილდა: მამაკაცებში პირველ ადგილზე ვეფხია სტურუა გავიდა, მეორე ადგილზე სიმონიკა ხაჟალია, ხოლო მესამე ადგილზე რეზო შანიძე. რაც შეეხება მდედრობით სქესს, აქ პირველობა მაია ჯვარშეიშვილმა არ დათმო. გამარჯვებულები ფასიანი საჩუქრებით დაჯილდოვდნენ.
როგორც ჩვენთან საუბარში ჭადრაკის ტრენერმა და მატჩის მსაჯმა ნინო ჯვარშეიშვილმა აღნიშნა, „18 წლის ზევით ყველა მსურველს შეეძლო მონაწილეობის მიღება. მიხარია, რომ ამდენი მოყვარული მოჭადრაკე გვყავს სამტრედიაში. ტურნირი სამტრედიის ჭადრაკის ფედერაციის, სპორტული სკოლა, საკრებულო და სპორტის სამსახური მხარდაჭერით შედგა. ყველა მონაწილეს და ყველას, ვინც გვერდით გვედგა ვუხდი მადლობას.“
შეჯიბრს ესწრებოდა გამგებლის მოადგილე ლიზა კრავეიშვილი და კულტურის სამსახურის უფროსი ნატო მანჯგალაძე.