Скачать или смотреть بوفسيو والسبع

قصة بوفسيو والسبع
قصة بوفسيو والسبع وتصنت يامن هو سمع - هذا في ذاك ماشفع- قاموا في الحركة تضادو في الملكية- كلها يضرب على حكامتو
بوفسيو يحكم عل الطيور السبع يحكم على الوحوش- كلها جار لي من وراه جيوش ياسامع ليا - كلها يضرب على كلمتو
السبع جلس في فم باب دارو- طلع عينيه مع شفارو- هبط عينيه مع اظفارو- قال في نفسو خيت هاذي ذلية-انانانانا- حتى من بوفسيو ولى بكلمتو
ناض السبع هو ولبيتو- طلعوللغابة يهيتو- راح الليل جاويبيتو- جاولعرصة تحت كرمة مسقية- اناناناناعرصة بوفسيو تاعتو
بوفسيو ارسل للسبع- ووزيرو هوما والضبع- قال ليهم ماشي شرع- هاذيك العرصة نتاعتي راهاليا- اناناناناشرع الله معاكم حيدو
تكلم السبع ليه نادى- هاذي عرصة مخلدة- زينة موصولة أم الندى- والله منها لاحيدت ليك يا بن لمرية - انانانانا شد حزامك كلشي عدو
بوفسيو سمعها غضى- قلع ب محال رافدة- خيول من موراه جابدة- امر عليهم كاملين خيل ورجلية-ا نانانانابغى يصبح فالعرصة خزانتو
صاب السبع بارك تحتها- واللبية هي وبنتها- بنتها ومها وخيتها-
هزو عينيهم صابوخزانة مبنية- اناناناخزانة بوفسيو تاعتو
بوفسيوارسل للكبار- يجيو ليه من غير شوار- بلارج والنسروالحبار- جيبولخرين نفتي عليهم الري ف لعشية- قال ليهم سيرو تبيتو
السبع قاعد ف لخلاوي – يفرق غ ف الدعاوي – ويقول ليهم بل خاوي-
هاذ الحركة جايا لمن هي – انانانانا حركة بوفسيو تاعتو
السبع ارسل للوحوش- جابولقطوط ولمشوش – قال ليهم م كتنفعوش- هاذ لحرامي راه جاي حارك ليا- انانانانا حركة بوفسيو تاعتو
طلب ليعانة للحمير- جيبو لكبير والصغير- جيبو لحمار لشهب ولد الوحشية- اناناناناكيخلعهم بتهرنيقتو
بوفسيو ارسل للذباب- الناموس يجي بلكباب- جيبومعاكم تيكوك حتى هي – كلها تايليق لحاجتو
تلاقات هاذ السلاطن- لجيوش بدات تتفاتن- بضروب السيوف والسكاكن- هاذا اميرمارضى ذاك يا السامع ليا- كلها كيضرب على كلمتو
ارسل تيكوك عل لبقر- نزلت عنو كلشي جفل - مابقات عجلة ولاعجل – هزقزيبتو مابقى عقل- ما تسمع غير تزويكتو
ارسل النعرة للحمير – ماتسمع غير الزفير- اياراسي ك ندير- كيف الخيل ايلا دازت على الرجلية- لشهب هربان ب علافتو
ارسل الناموس للسبع- الحلوف قدم الضبع- قالو اهرب يابن لصقع- م خيبها حركة جرات هاذ العشية- حركة بوفسيو تاعتو
قال ليهم شدوليا بن لزفر- ضحك عليا ماتلا وقر-عييت انامانصبر- حتى نقطع راسو على ركبتي بن لخطية-ا نانانانا حركة بوفسيو تاعتو
كلمات وألحان المرحوم الحاج عبد الكريم الفيلالي