Prayer to Saint Anthony of Padua (Konkani)

Anthony of Padua lived just for 35 years. Novena to Saint Anthony to be recited every Tuesdays. Pray faithfully and your prayers will be answered.

BHOV FOLLADIK MAGNNEM SANT ANTONIC


He Bhagevonta Sant Anton, Bhoktam modem bhov bolea and movalla tea ulopanchea moga pasot zo Tuvem Devacho keloi team tujea vakanddleleam xegunnam pasot ani sauronaslelea moga pasot, zo pelea sovem tuvem dakoiloi;
Favo zalem tuka tem dennem; vhodd ani vichitr milagri korchem, heach sounsarant astona, jea porim anink konnunch bhoktak dilem nam. Tujea utrakuch milagrio ghoddot ani tum sodanch aito asloi, ucharunk tem utor, gorjevontachem magnnem aikon Upodreank sampoddleleanchim ulasanchim magnnim, tuje sovem kednanch nirfoll zalim nant, Piddevontank Tum bolaiki ditaloi, sandleleo vostu porteo mellot Dukhan choddfoddtoleam sorvem tujem kalliz churchurtalem, dukhouleleam kallizantlim villa-pavchim magnnim aikon meleleank porian Tuvem jive keleat.
Hea sounsarant asloi tednam, tujean kori nezo tosli vost nasli, baraun patok: peleachem dukh ani konnistai pollunk taka adhar dilea bogor tujean ravo nezo aslem.
Dhiravon heam niallanim ani Tujem magnnem Deva thaim thovuch folladik mhunn zanno zaun, hanv dimbier poddlam tuje imaji mukhar ani sogllea visvasan mhojea kallzachea, tuka prathtam kor mhun mhaka ho upkar zachi mhaka chodd goroz…. (hanga sang tuji goroz)… Hanv magtam ti vost mhaka mellonk eke milagrichi porian goroz podli zalear torui Tujer mhozo visvas unno zauncho nam: kiteak vortoulo naim Tum, toch milagrincho Dhoni zo hea sonvsarant astona tujea ekach utran vhoddantleo vhodd milagrio kortaloi. Eh bhov movalla ani mogalla bhokta Sant Anton, tujem kalliz sodanch doiall ani churchureanchem zaun aslem, tor teach doiallponnam ani churchureanim uloi ekuch utor, Ballka Jezuchea kanant, Zo dhadostalo tuje vengent khellonk. Tujem ekuch utor puro mhojea magnneak foll mellonk.
Uloi vhodda bhokta tem utor, anim mhojem kirkoll ani dhinvaxi kalliz sodanch Tujea upkarant rautelem. AMEN.

Ek Amche Bapa, Ek Noman Marie ani ek Mhoima Bapak…
Sant Anton Bhokta mag amche pasun.
Bapache ani Putache ani Povitr Atmeache Navim. Amen