Ардахха санаа. Константин Иванов

Ардахха санаа. Саргы Куо (Саргылана Гольдерова) тыллара, Светлана Петрова мелодията. Константин Иванов толоруута.

*****
Тохтообокко ардах түһэр,
Түннүкпэр таммаҕын ыһар.
Хоспор магнитофон лиэнтэтэ
Эргитэр ырыатын иэйиитэ.

Ааспыта ол сайын,
Ааспыта тапталым,
Мин эйигин аҕынным
Ол ырыа тылынан.

Ардах харах уута буолан,
Ардах таптал таммаҕа буолан
Тоҕунна итийбит иэдэспэр.
Оо, суохтаатым даҕаны эйигин.

Түннүкпэр сыстаммын
Көрдөстүм ардахтан:
Аҕал миэхэ кинини,
Аҕал миэхэ тапталбын!

Ардах истибэт көрдөһүүнү,
Арай сүрэх эрэйэр көрсүһүүнү,
Эйэҕэс харах көрүүтүн,
Истиҥ таптал иэйиитин.

*****
Мелодистка быраас Светлана Дмитриевна Петрова 1952 сыллаахха Уус Алдан улууһугар Бороҕоҥҥо төрөөбүтэ. Ытык Күөлгэ оҕо музыкальнай оскуолатыгар икки кылааска тэҥинэн (фортепианоҕа уона баяҥҥа) үөрэммитэ. Саксофоҥҥа, гитараҕа оонньуура. 1975 сыллаахха СГУ медицинскэй факультетын бүтэрбит. Аһы буһарар органнар ыарыыларын үөрэтэр проблемнай научнай-чинчийэр лабораторияҕа үлэлээбитэ.
"Учууталга" диэн бастакы ырыатын бииргэ үөрэнэр дьүөгэтин тылыгар 1968 сыллаахха айбыта. Светлана Петрова "Күөх түүл", "Сулустар вальстара" о. д. а. 40-ча ыччат таптаан ыллыыр ырыаларын суруйбута.
С. Д. Петрова 1982 сыллаахха ыалдьан өлбүтэ.
("Күөх түүл ырыалара" /Дь.: Бичик, 1993 с./ кинигэттэн).

*****
Константин Иванов ырыалара: https://drive.google.com/open?id=17Cj...

*****
Хаартыскалар:
Alexander Dersu: http://dersu.gallery.ru/
Татьяна Гасич http://dnevniki.ykt.ru/tagasi