Скачать или смотреть Ugra Shiva Sankalpa Stotram by Jayendra || जयेंद्रकृतं उग्रशिवसंकल्पस्तोत्रम्

जयेंद्रकृतं उग्रशिवसंकल्पस्तोत्रम्

अथ स्तोत्रम् —

जटाजूटज्वालाज्वलत्पावकाक्षं
दिगम्बरं भीमभुजङ्गाभिरामम् ।
अहंकारदर्पक्षयं कालकालं
भजेऽहं महेशं स्वयं कारणेशम् ॥ १ ॥

सृष्टिस्थितिध्वंसहेतुं प्रचण्डं
निष्कम्पसंकल्पदीक्षापरायणम् ।
विघ्नौघवातैरपि नाविचाल्यं
व्रतस्थमेकं शरणं प्रपद्ये ॥ २ ॥

विषं पीत्वा लोकहिताय स्थितं तं
निगृह्य दोषान् सुधयाऽभिषिञ्चन्तम् ।
तमोगह्वरं तेजसा भासयन्तं
नमामि प्रेमस्वरूपं महान्तम् ॥ ३ ॥

इन्द्रियग्रामजयं योगिनाथं
मनोनिग्रहैकप्रदीपप्रकाशम् ।
जयेंद्रनाम्नोऽपि मदीयहृदिस्थं
स्वरूपेण शम्भुं सदाऽहं स्मरामि ॥ ४ ॥

उग्रं तथाऽपि करुणैकसिन्धुं
अचलप्रतिज्ञं तपसा दुरापम् ।
न मोहः न बाधा न लोभप्रवाहः
चलयेत् पथाद् यस्य तं नतोऽस्मि ॥ ५ ॥

अहं ब्रह्मास्मीत्यखण्डप्रकाशं
निरालम्बमाद्यं निरस्तप्रपञ्चम् ।
यतो जायते विश्वमेतत् समस्तं
तमेवेशमीशं शिवं चिन्तयामि ॥ ६ ॥

न मे भेदबुद्धिर्न मे देहभावः
न मेन्द्रियस्पर्शवशोऽस्ति कदाचन ।
शिवे संनिविष्टं मनो मे सदाऽस्तु
व्रतस्थजीवन्मृतिरस्तु मेऽत्र ॥ ७ ॥

जयति जयति रौद्ररूपो महेशः
जयति जयति प्रेमपूर्णः सदाशिवः ।
जयति जयेंद्रहृदि भावितात्मा
जयति शिवः संकल्पसिद्धिप्रदाता ॥ ८ ॥