មានដីរាប់ហិកតា_ហេតុអ្វីនៅតែក្រ?/ Main Resources

Successful IDEA
Change mindset, Change result.
«ពិធីបើកបវេសនកាល ឆ្នាំសិក្សា ២០២៣-២០២៤ នៅរាជបណ្ឌិត្យសភាកម្ពុជា»
នៅថ្ងៃសៅរ៍ ទី១៣ ខែមករា ឆ្នាំ២០២៣ វេលាម៉ោង ៨៖៣០នាទីព្រឹក នៅសាលទន្លេសាបនៃអគារខេមរវិទូ រាជបណ្ឌិត្យសភាកម្ពុជាបានរៀបចំពិធីបើកបវេសនកាលថ្មី ឆ្នាំសិក្សាឆ្នាំ២០២៣-២០២៤ ក្រោមអធិបតីឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា។ ការរៀបចំពិធីបើកបវេសនកាលនេះ គឺក្នុងគោលបំណងដើម្បីណែនាំបេក្ខជនបណ្ឌិត និស្សិតថ្នាក់បណ្ឌិត និងនិស្សិតថ្នាក់បរិញ្ញាបត្រជាន់ខ្ពស់ បន្ថែមអំពីគោលការណ៍ និងក្របខណ្ឌគុណវុឌ្ឍិនៃការបណ្តុះបណ្តាលថ្នាក់ក្រោយបរិញ្ញាបត្រនៅរាជបណ្ឌិត្យសភាកម្ពុជា។
ថ្លែងក្នុងពិធីបើកបវេសនកាលនោះ ឯកឧត្តមបណ្ឌិតសភាចារ្យ សុខ ទូច បានលើកឡើងថា ការជ្រើសរើសគ្រឹះស្ថានបណ្តុះបណ្តាលថ្នាក់ក្រោយបរិញ្ញាបត្រត្រូវផ្តោតសំខាន់លើចំណុចចម្បងមួយចំនួនដូចជា ប្រព័ន្ធកម្មវិធីសិក្សា សាស្រ្តាចារ្យ/គ្រូបង្រៀន នីតិវិធីនៃការការពារនិក្ខេបបទឬសារណា បច្ចុប្បន្នភាពនៃប្រព័ន្ធអប់រំ និងគោលការណ៍បទបញ្ជាផ្សេងៗ ជាដើម។ ជាងនេះទៅទៀត ឯកឧត្តមបណ្ឌិតសភាចារ្យ សុខ ទូច ក៏បានគូសបញ្ជាក់ផងដែរថា «ការបណ្តុះបណ្តាលនៅរាជបណ្ឌិត្យសភាកម្ពុជាគឺផ្តោតជាចម្បងលើការស្រាវជ្រាវច្បាស់លាស់ ក្នុងន័យនេះ បេក្ខជនបណ្ឌិតនិងនិស្សិតទាំងអស់ ត្រូវតែប្រាកដច្បាស់ក្នុងចិត្តអំពីប្រធានបទដែលខ្លួនត្រូវសិក្សាស្រាវជ្រាវ។ ដើម្បីទទួលជោគជ័យលើការស្រាវជ្រាវ បេក្ខជនបណ្ឌិតនិងនិស្សិតទាំងអស់ ត្រូវតែជ្រើសរើសសាស្រ្តាចារ្យឬគ្រូណែនាំដែលមានជំនាញនិងបទពិសោធន៍ច្បាស់លាស់ពាក់ព័ន្ធនឹងប្រធានបទដែលខ្លួនបានជ្រើសរើស។»
ជាមួយគ្នាផងដែរ ឯកឧត្តមបណ្ឌិតសភាចារ្យប្រធានរាជបណ្ឌិត្យសភាកម្ពុជា ក៏បានសង្កត់ធ្ងន់ថា រាល់ការស្រាវជ្រាវទាំងអស់ ត្រូវតែមានរចនាសម្ព័ន្ធស្រាវជ្រាវ និងវិធីសាស្រ្តស្រាវជ្រាវជាក់លាក់ ដោយមិនផ្អែកលើតែទ្រឹស្តីតែមួយមុខនោះទេ ពោលគឺ លទ្ធផលនិងការវិភាគលទ្ធផល ត្រូវតែមានលក្ខណៈវិទ្យាសាស្រ្ត ហើយអាចចូលរួមវិភាគទានក្នុងការអភិវឌ្ឍសង្គមជាតិ។ ក្រៅពីនេះ ឯកឧត្តមបណ្ឌិតសភាចារ្យ សុខ ទូច ក៏បានបញ្ជាក់យ៉ាងច្បាស់ថា «ការសិក្សាទស្សនវិជ្ជាគឺជាមូលដ្ឋានបង្កើតគោលគំនិត ហើយគោលគំនិតទាំងនេះហើយជាកម្លាំងចលករនៃការបង្កើតក្របខ័ណ្ឌទ្រឹស្តីនិងគំនិតផ្សេងៗ។»
មុនបញ្ចប់សេចក្តីថ្លែងការណ៍ ឯកឧត្តមបណ្ឌិតសភាចារ្យ សុខ ទូច បានផ្តល់ធាតុចូលមួយចំនួនជូនទៅកាន់អ្នកចូលរួមទាំងអស់ថា «ការសរសេរនិក្ខេបបទឬសារណា បេក្ខជនបណ្ឌិតនិងនិស្សិតត្រូវចង់ចាំថា និក្ខេបបទនិងសារណា ត្រូវផ្តោតលើ៥ចំណុច ដូចជា ១-ប្រភពឯកសារដែលមានស្រាប់ ២-ប្រភពព័ត៌មានពីក្រុមមនុស្សពាក់ព័ន្ធ (សម្ភាសន៍) ៣-ព្រឹត្តិការណ៍ថ្មីនៅក្នុងសង្គម ៤-ព្រឹត្តិការណ៍ពាក់ព័ន្ធដែលកើតឡើងកន្លងមក និង ៥-ការវិភាគច្បាស់លាស់មិនលម្អៀងដោយឈរលើគោលជំហរវិទ្យាសាស្រ្ត។»

#Main_Resources_Successful_Mindset