Ribu La Rambu Nguing ~OFFICIAL Lyrics || Bamang Doro|| Nyishi Old Melody|| 2010||Tribal Explorer 108

Nyishi song
Nyishi Lyrics
Bamang Doro
Nangram kakum
Tribal Explorer 108


LYRICS:-

Ribu la Rambu nguing Topu ge nyangne ngam Tobu ge Arum ham dumrab hai nyikuju

Tobu ge Yagar nyi Tomu ma nyikuju Tungrab ha Nyikuju

Bungpik ge leriang lu Yayi ge leriang lo

Awjang ha Ane di jaling hai riku bo natung hai nyata ju Rongo nge nyata ju rungbam hai nyata ju.

Lulu la sangdu la Lele la singde buing Sulu ge tobu gu

Sulu ge makba gu huling hai Nyikuju

Ribu la Rambu buing Namtung ge Ruku lo Rungo ge Ruku lo Topu ge Yagar Nyi Tomum ge Pwta ngam Galing hai hibu ngo.

Lulu ge namrang lo oo,Lele ge Namrang lo Tobu ge Yagar nyi

Swng ge Yikik go Donyi ge Yikik go oo kitak ke hiba nyi

Ribu la Rambu nguing nyangne kungkwh lo oo Arum ge kungkwh lo oo beka jima ke.

Topu ge Yagar nyi tomum ma motula tungrik ka motula

Nyangru ge detung hai chadung hai dene ke hanyu ge ramta te barak ke dune ke.

Topu ge Yagar ge Garte ge garbe lo Aru ge nyibu gu parap terine.

Lulu ge Singdu nyi, Lele ge singbe nyi Donyi ge Pwpwh nagam Polu ge Ruu Ngam kagung ha pakune.

Sopung ge hobu lo Sopung ge nyangne nyi Saung ge hogu lo, Saung ge harung nyi bangpe nge Pane bo.

Nangtung ha bangne nge tapiung ha kone ke korab ha nyatu bo

Tangmi ge Gapo ngam Dwrab hai nyatu bo nyangne bu tang halo,Arum bo tang halo

Ribu di nyangne nga aa Rabu di nyangne ha Suyu di ayu di

Ralang ge habe the suru matu ba sara di matu ba

Swbi di bilung nge a Yuma di malung nge a manyang hai tuba ke

Nyangne bu tang halo,Arum bu tang halo swkar di mabe ka a Tamdar di mabe ka .

 
Lullu di singdu nga aa Lele bu singdi nga aa swyu bu ayu di

Ngoke ge dumping ngam rebe di dagu be reyik di dagu be lamku di matu ba aa kungkar di matu ba .

Ngoke ge huchuk ngam kullung di papuk be lamku di matu ba aa kungkar di matu ba .

Riuptang di poging nyi muju ge har ngam hansik nyi dodu bu jing ge chwde nyi kodung nga dwbu hai a hwyar hai nyubu gu panyu hai dibu hai.

Umma di Yoma be aa ywjang hai puchang be a tayak hai ponya be himing hai dila di sulu di Donyi ho o langri ge langgung ngam poring ge habo ngam pachi ha lakuju.

Ribu di Rabu ngam Swlu ge Donyi so langri ge Langgung ngam Pori ge Habo ngam Pachi ya mabeju.

Ngoke ge sobu hai a sanglu ge bichu be a ngoke ge riangbu hai a Ngoge tone hai a Ngoke ge Yabing nge a nyobing be dumping be a Ngoke ge Puruk ke a gangda ge parsing hai a sangbam hai teri le

Naji ge leriang lo o Napak ge leriang lo o Aung ge leriang lo o palu ha jeri bo

Aung di rialik hai a rialik di langne si lechi ha peri ne a duda di peri ne a lamchi ha peri ne a Aungda di peri ne.

Swlu ge Donyi so tungbu ge tungpi nge pingpu di kama ke a Ane di Donyi aa Nyodo kone ke Ane di Nyang bo kama di Pane la .

Change di lamta ge aa Doge di lamta ge aa tara di jarku lo o pacha nga jeri bo o karlang ha jeri bo oo Nyite nga jeri bo.

Ane di bungpi lo oo Ane ge Yayi lo oo Tamu ge Subu nyi ii Tamu ge Riakpu nyi e Tamu ge kibu nyi hingki di kibu ngo.

Tapung nyi padu Kam mm Yamang ge Garte lo Takam nyi padu Kam mm Yalam ge Garte lo.

Ho ho ho ho hhhrrrrrrrrrrrrrr ho...


#NyishiSong #TribalExplorer108 #NangramKakum