Скачать или смотреть صباح الخير - تهادي واسكني صدر القصيد وغيبي ليله | محمد ال دلبج | بطيء + مميز

الكلمات :

صباح الخير ياخشف مداهيل الصدر مفلاه
مرابيه الخفوق وداحت ضلوعي بساتينه

انا اللي طاح في محبال زينك وانا لله
غزال صيدته شهب السباع وبندقه عينه

كتبتك شعر وامطرتك غضى واشبعتك مباهاه
انا اللي يوم حبك شافك اغلى من دواوينه

احن لجيتك مثل المهاجر لاذكر مرباه
واجي في غيبتك مثل الفقير اليا ذكر دينه

معي سحر الشعر وانتي معك سحر الغنج والاه
عذابي لا اجتمع سحر الغنج والاه في حينه

اطارحك الغوى والقلب لاسال الرحيق اسقاه
وتزهر وردتك والقلب يسقيها شرايينه

اشوفك مثل شيخ في نحى صدري ركز مركاه
واشوف البيت بيتك والمفارق ديني ودينه

اشوفك مثل خيال يذود بسيفه وشلفاه
لاشفتي لك غزال داخل القلب تذكينه

يامدعوج العيون ويامريح جل من سواه
احد يلقاك مايلقى السعاده تبت يدينه

تمرين المكان وتصبح قلوب العباد افواه
وحتى الضلع ينبت بالخرامى لو تمرينه

تهادي واسكني صدر القصيد وغيبي ليله
تمادي واقصري ليل الشتاء واخلي مساجينه

معك والقلب لاتجزاه بالصده ولا تجفاه
عليك الله وامانه بعد عشقه لاتخلينه

وصالك سلوة الخاطر وهجرك لعنبو طرياه
احبك والهجر في وجهك انك ماتطرينه