Скачать или смотреть اصادم الدنيا بعزم يثني رقاب الصعاب - خالد ال بريك 2026 شيلات خالد ال بريك اصادم الدنيا

اصادم الدنيا بعزم يثني رقاب الصعاب - خالد ال بريك 2026 شيلات خالد ال بريك اصادم الدنيا


لايك للفيديو + إشترك معنا
Sheilat Board
للطلب الشيلات والتصميم
0553409525
‎فعل الجرس 🛎
‎ليصلك كل جديد


هبّت نسانيس الصباح وخاطري يبغى الجواب
عن كل معقودٍ وله ليله غدا فيها حسفه

تاخذني الذكرى على رحلة ذهابٍ بلا إياب
واقول يا حاضر سنين العمر ما مات شغفه

​ودي لو أحلامي تشع النور في وجه الغياب
واشوف ضحكة طرف عمري يوم واصل لهدفه

ما فيه صعبٍ بمشية المولى ولا فيه ارتياب
بعد النجاح الله يخليهم بحسرة ولهفه

​من فضل ربي من صغر سني ما لينت الجناب
للي يكيل الغيظ واطراف السوالف تكشفه

انا الأساس اللي يعمّر بالضعاف وبالخراب
حتى ولو يبنى من الفولاذ سوره وسقفه

​ياما تطرقت لجوابٍ ودي إنه ما هو جواب
لكن في كثر مجاملة الرياجيل ضعفه

أهل القلوب البيض فيها قلوب مسودة هضاب
والبرق حتى لو نزح ظلعان نوره يكشفه

​ودك يصير الرجل له مبدأ وله مخلب وناب
حتى لو تهب العواصف صلب ما لانت طرفه

أعرف مراكيض الثعل واعرف محاويل العقاب
ماني غشيمٍ يجذبه حكي العقول المرجفه

​لاني بشايب مير جربت وتعديت الشباب
واخذت من نار التجارب نور علم ومعرفه

إن صبت من ربي ومن نفسي ليا خطيت الصواب
والعبد لولا الله تعالى ما تصاب بهدفه

​أشوف قدامي مستحيل أشوف قدامي جحر داب
أطى على بابه وأعدي للنجوم المشرفه

أصادم الدنيا بعزمٍ يثني رقاب الصعاب
عبدٍ سلاحه دعوةٍ لله وأنسى مصحفه

​إن كان ما صار الفتى ضلعٍ له ركون وحجاب
تومي به الدنيا مثل غصنٍ على راس أشرفه

أدوي بهالهاجس وعشت مرحلة شبه اغتراب
وأنا ما أريد غير أسباب اغترابي مجحفه

​لو يشتكي متني ثقيل الحمل وأنواع العذاب
عهدٍ قطعته لو يطول الوقت ماني مخلفه

سلام يا عز الخوي.. سلام يا دم الجناب
دايم فعولك بين عطران الشوارب مكلفه

على خطى شايبك منت بمثل طراد السراب
العذق قامة في المراجل وأنت بك نفس الصفه

​يا بن جريبيع أنت من ربع يفكّون الرقاب
لاد المقاطي فزعة المصغور وستر المترفه

من ربعي الهيلا هل الطالات مروين الحراب
أهل الفعول اللي يسطرها الفخر في متحفه

​بفعولنا في ماضيات الأيام سارن الركاب
بالسيف الأملح ما تزعمنا الفخر مستعطفه

اللي يعادينا نضيق به وسيعات الرحاب
واللي يوالينا يحوز المجد ويزود أشرفه