شوش الويلان | أداء ماجد الرسلاني | (حصرياً) 2022

#كحيلان_أفضل_الشيلات
للتواصل والمتابعة عبر المنصات الاجتماعية :
https://linktr.ee/kahilan0

تشغيل جميع شيلات القناة بمكان واحد
   • تشغيل جميع شيلات القناة بمكان واحد  
تشغيل جميع شيلات (ماجد الرسلاني) بمكان واحد
   • ماجد الرسلاني  

شوش الويلان | أداء ماجد الرسلاني | (حصرياً) 2022

كلمات : خالد ثامر الصقيري

شوش الويلان يا الصوت المبدا
شاعرك عن لازمه لا ما يتعدا
لعنزه ياقف ويفخر ويتحدا
يدحم الشعار بالجنب الرهاوي

ابتدا الهاجس وقال الشعر هيا
لجل عين الوايلي طلق المحيا
هاضت الابيات والدعوه حميا
كنه يلبي على صوت العزاوي

عنزه قوماً لها التاريخ ياتي
من زبنها لا يخاف ولا يحاتي
هم عزاز القوم ستر ام العباتي
مزبن الي تنقطع فيه الرجاوي

يا بني وايل فعايلكم شهيره
كم حكمتوا ياعنزه بالارض ديره
ماخذين الحكم في شبه الجزيره
واسمكم يجاور النجم السماوي

عنزه عن مجدها لا ما تنحت
وبالفعل ما عمرها صدت وشحت
لجل بنت المنذر النعمان دحت
دونها وايل مزبنت الجلاوي

علمنا كل الخلايق عارفينه
نلحق اعدانا القراده والغبينه
ما نفكه لين نلعن و الدينه
ما يروم العز رجالاً حياوي

العمر حنا ترانا مرخصينه
دون ارض المملكه حن بايعنيه
من نوانا يا ولد الله يعينه
نقلب الدنبا على اهلها بلاوي

ما لحقنا بالزمن ايت حسوفه
كل شيء من فضل ربي نطوفه
والردي لو جنبنا ما حن نشوفه
ينلجم لامن حظرنا كل غاوي

لابتاً وقت اللقاء ترهب اعداها
كل ما درات بهالدنيا رحاها
تطحن اعداها وتاصل مبتغاها
هم طبيب الراس لا غاب المداوي

من زبن عند عنزه يا كبر حظه
البصر لعداه قله لا يغضه
يمشي فوق الارض كن الارض ارضه
محتمي بعزاز وكبار الهقاوي

وانت يا محمد ولد عيد المقدر
فعلكم بالطيب والفزعه تصدر
ما بكم منهو عن الوقفه تودر
سعد عين الي لكم دايم مخاوي

جبتها من قو عزمك يا السنافي
وانت بالوقفات يا ابو عيد وافي
مثل شرواك يتباها فيه قافي
يا عريب الساس يالحر النداوي

لك بيوت الشعر يا محمد تسرج
وتسبق الي تنطلق فوق المدرج
يا عسى مبروك يا القرم التخرج
انت من يزها لك البشت الحساوي

كل طيب من عربنا عارفينه
وبالوفاء والخير حنا ذاكرينه
وكل رجّالاً وما تفعل يمينه
الفعايل ماهي بمثل الحكاوي

قلتها وانا من كبار الحمايل
شاعرا ما مال لو وقته تمايل
يعرفونه لابته عيال وايل
وهو لهم لاقنبعت رجلاً فداوي