Скачать или смотреть Ollidhu | Thiruverkadu | ஒள்ளிது | திருவேற்காடு | Thevaram | தேவாரம்

Ollidhu | Thiruverkadu | ஒள்ளிது | திருவேற்காடு | Thevaram | தேவாரம்

Thevaram - Thondai Naattu Thiruthalangal | தேவாரம் - தொண்டை நாட்டு திருத்தலங்கள் | திருத்தணி N.சுவாமிநாதன் | Sruthilaya | ஸ்ருதிலயா

தலம் : திருவேற்காடு (சென்னை)

இறைவன் பெயர் : வேதபுரீஸ்வரர், வேற்காட்டுநாதர்.

இறைவி பெயர் : பாலாம்பிகை, வேற்கண்ணி.

தல விருட்சம் : வேல மரம்

தீர்த்தம் : வேலாயுத தீர்த்தம்.

ஆகமம் / பூஜை :

அ௫ளியவர்கள் : திருஞானசம்பந்தர்

திருமுறை : முதல் திருமுறை

பண் : பழந்தக்கராகம்

நாடு : தொண்டைநாடு

வழிபட்டோர்: வேதங்கள் முதலோர், சம்பந்தர்

சிறப்பு: மூர்க்க நாயனார் அவதரித்தத் தலம். விஷம் தீண்டாப்பதி என்ற
சிறப்பும் இத்தலத்திற்கு உண்டு.கருவறைச் சுவரில் ஏராளமான
கல்வெட்டுக்கள் உள்ளன.

தேவாரப்பாடல் பெற்ற தொண்டை நாட்டுத்தளங்களில் 23 வது தலமாகும்

பாடல்:
ஒள்ளி துள்ளக் கதிக்கா மிவனொளி
வெள்ளி யானுறை வேற்காடு
உள்ளி யாருயர்ந் தாரிவ் வுலகினில்
தெள்ளி யாரவர் தேவரே. 1

ஆடல் நாகம் அசைத்தள வில்லதோர்
வேடங் கொண்டவன் வேற்காடு
பாடி யும்பணிந் தாரிவ் வுலகினில்
சேட ராகிய செல்வரே. 2

பூதம் பாடப் புறங்காட் டிடையாடி
வேத வித்தகன் வேற்காடு
போதுஞ் சாந்தும் புகையுங் கொடுத்தவர்க்
கேதம் எய்துத லில்லையே. 3

ஆழ்க டலெனக் கங்கை கரந்தவன்
வீழ்ச டையினன் வேற்காடு
தாழ்வி டைமனத் தாற்பணிந் தேத்திடப்
பாழ்ப டும்மவர் பாவமே. 4

காட்டி னாலும் அயர்த்திடக் காலனை
வீட்டி னானுறை வேற்காடு
பாட்டி னாற்பணிந் தேத்திட வல்லவர்
ஓட்டி னார்வினை ஒல்லையே. 5

தோலி னாலுடை மேவவல் லான்சுடர்
வேலி னானுறை வேற்காடு
நூலி னாற்பணிந் தேத்திட வல்லவர்
மாலி னார்வினை மாயுமே. 6

மல்லல் மும்மதில் மாய்தர எய்ததோர்
வில்லி னான்உறை வேற்காடு
சொல்ல வல்ல சுருங்கா மனத்தவர்
செல்ல வல்லவர் தீர்க்கமே. 7

மூரல் வெண்மதி சூடும் முடியுடை
வீரன் மேவிய வேற்காடு
வார மாய்வழி பாடுநி னைந்தவர்
சேர்வர் செய்கழல் திண்ணமே. 8

பரக்கி னார்படு வெண்டலை யிற்பலி
விரக்கி னான்உனறை வேற்காட்டூர்
அரக்கன் ஆண்மை யடரப்பட் டான்இறை
நெருக்கி னானை நினைமினே. 9

மாறி லாமல ரானொடு மாலவன்
வேற லானுறை வேற்காடு
ஈறி லாமொழி யேமொழி யாஎழில்
கூறி னார்க்கில்லை குற்றமே. 10

விண்ட மாம்பொழில் சூழ்திரு வேற்காடு
கண்டு நம்பன் கழல்பேணிச்
சண்பை ஞானசம் பந்தன செந்தமிழ்
கொண்டு பாடக் குணமாமே. 11

இவ்வாலயம் காலை 6-30 மணி முதல் இரவு 8-30 மணி வரையிலும் தரிசனத்திற்காக திறந்திருக்கும்.