Скачать или смотреть قصيده مهداه الى الشيخ / فيصل بن نواف بن شبلان // أداء مهنا العتيبي

تنبيه لآصحاب القنوات :جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق

قصيده مهداه الى
الشيخ / فيصل بن نواف بن شبلان

كلمات مسلط الميموني

أداء : مهنا العتيبي

أشراف : مشاري العتيبي
0550151316

أستوى لي بدع قافاً على الطاله جديد
ويش عذري يوم قافي على العز أستوى

ماأتعذّر من رفيقي ولو عذري شديد
لين أورّد له هجوسي على عدّ الروى

والكفو لا من نصيته لك حزاماً جويد
والردي مايفزع اللّا ليا منه أهتوى

ووالله أنّي من دهاة المراجل والقصيد
ومن يقول أن ذا كِبر قلت له مالك لوى

من تزاهد حق نفسه قضى عمره زهيد
إفتخر وإعتز وأبليس ملعون الثوى

والحقيقه كل ماجيت أبرقد ياوليد
قمت مثل الذيب ياأخوك لا منّه عوى

لا طرالي محفلاً موعده ماهو بعيد
أشتويت اللي من الفكر باقي ماأنشوى

حفل أبن شبلان فيصل عسى عمره مديد
ومحفله ماهو مثل غيره ولا هي سوى

حفل أبن شبلان لمطير كنّه يوم عيد
الجموع تصبّ واللي سرح واللي ضوى

اعلوي ٍ فاالمواقف لنا ذخر ورصيد
وأبن شيخاً ماأعتزل في محلّه وأنطوى

المجالس كنّها قصر هارون الرشيد
وأن لقى الطرقي تحفوابه وفيه التوى

أسم أبن شبلان باقي على المجد التليد
يشهد التاريخ للأسم فعل ومحتوى

مقدم الجبلان يوم الزمن صلف وعنيد
لابتن من طاح في أيدينهم ماله دوى

وأن لقيت اللي مع الناس بعلومه يزيد
لا تكثّر فاالمجادل ليا منّه غوى

لو يقول ألك أن جدّانه تقصّ الحديد
قل له الجبلان للموت شرّابة هوى

ماتهقواهم هاك الحين شيخ ولا عقيد
وأن نواهم ثم ذكرهم عدل عن مانوى

من تبيّن في نحى خيلهم عدّه فقيد
حامت طيور السماء منه والقاع أرتوى

يوم كان غنيم ماله على الدنيا نديد
فارساً لا شافه الخصم فاالدرب أنزوى

ماتباهو باالدراهم ولا كثر العبيد
فخرهم يوم العدو قدمهم راح أثعوى

لا بغيت العلم خذ منّي العلم الاكيد
ماقواهم غير ربّاً على خلقه قوى

مير يوم الله جمعنا به الليل السعيد
نورها ساطع من الحفل لعيون الجوى

ألعبو ياأخوان شمّا عمى عين الضديد
وأعرضو لعيون فيصل رفيع المستوى