Скачать или смотреть TOMCHIDA QUYOSH

Mazkur ko‘rsatuvda “Nuroniy” jamg‘armasi Toshkent shahar bo‘limi raisi Rustam Kalonov bilan jamg‘armaning bugungi faoliyati, nuroniylarga yaratilayotgan sharoitlar hamda kelgusidagi ustuvor vazifalar xususida suhbatlashdik. Suhbat davomida keksalarni ijtimoiy qo‘llab-quvvatlash, ularning jamiyatdagi o‘rni va nufuzini yanada oshirish masalalariga alohida e’tibor qaratildi.

Rustam Kalonov jamg‘arma tomonidan Toshkent shahrida amalga oshirilayotgan loyihalar, xususan, nuroniylarni yoshlar tarbiyasiga faol jalb etish, mahallalarda ularning tajribasidan samarali foydalanish, ijtimoiy himoyaga muhtoj keksalar holidan muntazam xabar olish ishlari haqida to‘xtalib o‘tdi. Shuningdek, “ustoz–shogird” an’analarini mustahkamlash, yoshlar va nuroniylar o‘rtasidagi muloqotni kuchaytirish jamiyat barqarorligi uchun muhim ekanini ta’kidladi.

Suhbat yakunida jamg‘arma rahbari kelgusida nuroniylarning salomatligini mustahkamlash, huquqiy va ma’naviy savodxonligini oshirishga qaratilgan yangi tashabbuslar rejalashtirilayotgani, keksalarni e’zozlash va ularning duosini olish xalqimizga xos ezgu qadriyat ekanini alohida qayd etdi.