Скачать или смотреть اۉزبېگیم شاعر خال محمد بیگ اوغلی حافظ ذبیح الله بلخی سیسیده اجرا بولدی

اۉزبېگیم!
اۉزینگ اۉز دردینگگه تاپگین اېندی درمـان اۉزبېگیم!
اۉزگه درمانگرگه باقیب یاتمه حـــــــیران اۉزبېگیم!
اۉزگه درمـانگر ســېنینگ دردینگنی درمان ایلهمس،
آشیریب دردینگ نـــی قیلگهی زار و نالان اۉزبېگیم!
باقه ـ باقه اۉزگه درمانگر گه ســـــوو آلدی یرهنگ،
اېندی قۉزغل، یاتمه نالان، ایله جـــــولان اۉزبېگیم!
ایریلیق دردینگ نی کـۉرسم غم یوتیب، تینمهی مدام،
خـــاطریم ناشــاد اۉلیب، بغریم قیزیل قان اۉزبېگیم!
یاوگه تۉلدیرمه یورهک، یاو سېنگه دوستلیک ایلهمس،
اوشــبو سۉزیم ثابــــت اېتدی دور دوران اۉزبېگیم!
یۉلدن آزگن خلق اېمسسن، چین بو سۉزیم راپّه راست،
سېن مسلمان، سېن حقیقی صاحب ـ ایمان اۉزبېگیم!
آته ـ بابانگ کیم اېدی تــــاریخ نی بیر قیلگین مرور،
اۉتمیشینگ بیل! همده بولگین تنتی اۉغلان اۉزبېگیم!
سېن اۉزینگ دن باخبرسن مــــی؟ و یا که بې خبر؟
بیلمهسنگ بیلگین، اۉزینگ سن خان و خاقان اۉزبېگیم!
سېن گه بار اېرکن عـــــجایب آت قازانگن جدلرینگ،
علم و حکمت صاحبی، کـــامل ـ مسـلمان اۉزبېگیم!
کۉکسی گه ایماننی تاشــیب، سومَنات نی قیلدی فتح،
حـــــضرتِ مـــــحمود غزنهنگ شېر غُران اۉزبېگیم!
تېمور صـــــاحـــبقران بابانگ نی تانییسن می؟ یۉق؟
تن بېریب اېللر دېگهی لر: مــــــــردِ میدان اۉزبېگیم!
تۉغــــــــرل و سنجر بابالردن اۉگیت آلگین بـوگون،
چیقمهسین اېسدن ملک شاه ـ آلپ ارســلان اۉزبېگیم!!
کۉرهگانــــــی جدولین سازلـــــب اولوغ بابانگ ینه،
قــیلدی یولدوزلرنـــــی سِرین خلققه تبیان اۉزبېگیم!
بایقرا و بابر و شاهــــــرخ و باشقهلرگه هـــــــــم،
فخر قیلـــسم ارزیگهی، اې نسل تـــــوران اۉزبېگیم!
میرعـــلیشېر نوایــــــی کــــــۉپ اثرلر قالدیریب،
پنجه تشلب خمسه گه هــــــم یازدی دېوان اۉزبېگیم!
هم محمد خان شیبانــــی عجیــــــب پادشاه اېدی،
نامی تاریخلرده قالگن منگو ـ داســــــتان اۉزبېگیم!
مرغینانی ـ البـــــخاری ـ ترمـــــذی ـ خوارزمیلر،
ابن ســـــــینا ـ الفرابی سېنگه دیر شان اۉزبېگیم!
قیسی بابانگدن توتهی آت؟ قیسی سی اېسـیمده دیر؟
یۉق اېسیم اۉرنیده فعلا هــــــم پریشان اۉزبېگیم!
آته ـ بابانگ چین یورهکدن اېردی قرآن خادمــــی،
چین یورهک دن بۉل سېنم منقاد قـــــرآن اۉزبېگیم!
سېن، خدا گه تۉغری بنده بۉل، خدا توزگهی ایشینگ،
بۉلمهگنده، سېنی خوار اَیلهیدی شــــیطان اۉزبېگیم!
باغ بابر، تاج محل، هــــــم مینگدن آرتیق آبدات،
قـــــالگن اجداددن، تمدنگه بو برهـــان اۉزبېگیم!
سېن تمدنچی اولوس سن، سېن سیاستچی اولــوس،
سېن عمارتچی اولوس سن، یخشی دهـقان اۉزبېگیم!
سېن عجیب زحمت سېورسن، زحمتینگدن ناننی یېب،
هه! بیلورمن هېچ یېمس سن، سېن تېکین نان اۉزبېگیم!
طینتینگ پاک، فطرتینگ صاف همده کۉنگلینگ تیب تینیق،
برچه گه بیردېک قیلور سن مهر و احــــسان اۉزبېگیم!
سېن عقللی سن، فراست همده حکمت عاشـقــــــی،
چست و چابک، فهمی اۉتکیر، اســـرو چققان اۉزبېگیم!
عقل و منطقدن ایش آلگین، دوست ایله دشمننی بیل!
بېرمهسین سېنگه فــریب هر شکلـی انسان اۉزبېگیم!
آنه تورکســـتاننی اېندی قیتهدن قـــــورماق کېرهک،
بیرـ بیراو گه قۉل بېریب قــیل یاو نی سرسان اۉزبېگیم!
بې حـــــیا دشـــــمنلرینگ سۉزیگه ایلب اعتماد،
تینچلیگینگ قۉلدن بېریب، یورت قیلمه ویران اۉزبېگیم!
اېندی تیرغیز اېسکی شوکت، اېسکی شانینگ، اېسکی نام،
باغله بېلینگ! کیی تۉنینگنی، ایله طــــوفان اۉزبېگیم!
اۉتدی غفلت نینگ زمانی، اویغانیش وقتــــی بو دم،
کۉز آچیب تورگین ایاققه، عصـــــر امکان اۉزبېگیم!
بیرـ بیراوگه قۉل بېریب بیرلشمهسنگ، قیلسنگ نفاق،
یاو سینی یېنگیب قیلر یېر بیرله یکــــسان اۉزبېگیم!
یاتمه غفلت هـــم جهالــــت دېنگیزیده تۉلقینیب،
باردی یاتسنگ، سېنی، تاریخ دیېدی بېسان، اۉزبېگیم!
بس ده اېندی، بورکینیب، کۉپ آغیر اوخلب یاتمهگین،
تور فلاکــت اویقیدن، کېتماقـــده کروان اۉزبېگیم!
سېن کــورهش میدانیگه کیــر! بشقهلرگه یۉق اۉرین،
مردِ میدان سېن اۉزینگ ســـن همده پلوان اۉزبېگیم!
سېن اۉزینگنی سقلهگین، یاولرگه هـــرگز بېرمه یۉل!
یاوگه یۉل بېرسنگ قیلر بیر دم ده تـــالان اۉزبېگیم!
تېنگری سېنی حُر یرهتگن، حُــــر یشه! اېرکین یشه!
حُــــریتگه اَیلهگین بارینگنی قـــــربان اۉزبېگیم!
سېن طفیلی قنچهلر یېتدی مـــــقام و جــــــاهگه،
چوکــــی و قدرت گه یېتگچ، قیلدی طغیان، اۉزبېگیم!
بعضــی نامرد اېل سېنینگ حقینگگه قیلدی کۉپ جفا،
شــو سببدن انچه چېکدینگ آه و افـــغان اۉزبېگیم!
سېن یوتوقنی ایستهسنگ باردی بوگون باتیر اولـوس!
تاخته محکم، باغله ینگی عـــهد و پیــمان اۉزبېگیم!
هـــر بیر اولادینگ بــهادر ـ قهرمان هم داو ی