Top News / I dënuar nga Greqia se theu kufirin / Kryebashkiaku i Kuçovës rrezikon shkarkimin

Kryebashkiaku i Kuçovës, Kreshnik Hajdari rrezikon të shkarkohet nga detyra pas përgjigjes së mbërritur nga autoritetet greke, sipas së cilës Hajdari rezulton të jetë dënuar nga Gjykata e Janinës për akuzën ‘Hyrje në territorin grek në mënyrë të paligjshme.’
Hajdari nuk e ka përfshirë këtë episod në formularin e dekriminalzimit, por pas kërkesës së koalicionit ‘Bashkë Fitojmë’ për verifikimin e pastërtisë së figurës së tij, u bë verifikimi nga Prokuroria e Përgjithshme, e cila kërkoi informacion nga autoritetet greke.
Në përgjigjen e mbërritur, rezulton që në vitin 1999, Kreshnik Hajdari është dënuar me vendim të formës së prerë nga Gjykata e Janinës për akuzën e hyrjes në territorin grek në mënyrë të paligjshme. Hajdari është dënuar me katër muaj burgim që janë konvertuar në gjobë në vlerën e 1500 dhrahmive.
Komisioneri Shtetëror i Zgjedhjeve do të zhvillojë një seancë publike këtë të martë në orën 12:00, për të marrë në shqyrtim rezultatet e verifikimit të pastërtisë së figurës së Kreshnik Hajdarit.
Referuar nenit 2 të ligjit të dekriminalizimit, nuk mund të kandidojnë dhe as të zgjidhen kryetar bashkie personat të cilët janë dënuar me vendim të formës së prerë, brenda apo jashtë territorit të Republikës.



Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#KreshnikHajdari#Akuzat