Скачать или смотреть The Pune Post & Telecom Co.Op. Credit Society Ltd. चा १०३ वा वर्धापन दिन उत्साहात साजरा

दि पुणे पोस्टस् अँड टेलीकॉम को-ऑपरेटिव्ह क्रेडिट सोसायटी लि. चा १०३ वा वर्धापन दिन मोठ्या उत्साहात साजरा.

दिनांक १० ऑक्टोबर रोजी दि पुणे पोस्टस् अँड टेलीकॉम को-ऑपरेटिव्ह क्रेडिट सोसायटीचा १०३ वा वर्धापन दिन मोठ्या उत्साहात साजरा करण्यात आला. संस्थेचे संचालक श्री. प्रवीण काकडे व सौ. अपर्णा काकडे यांच्या शुभहस्ते संस्थेचे संस्थापक कै. एस.जी.करमरकर यांच्या प्रतिमेस पुष्पहार अर्पण करण्यात आला. संस्थेने यंदाच्या वर्षी १४५ कोटींचा व्यवसाय पूर्ण केला आहे.

संस्थेचे अध्यक्ष श्री उमाकांत वालगुडे यांनी सांगितले की,या सर्व यशामध्ये संस्थेचे कर्मचारी, सर्व संचालक माजी संचालक व कार्यकर्ते यांचा मोठा सहभाग लाभला. त्यामुळे आम्ही संस्थेस यशाच्या शिखरावर पोहोचवू शकलो. याचबरोबर मी संस्थेच्या सर्व सभासदांचेही मनापासून आभार व्यक्त करतो व धन्यवाद देतो की, आपणही या संस्थेच्या यशासाठी सिंहाचा वाटा उचलला आहे, तो म्हणजे कर्जदार व ठेवीदार रूपाने आपण संस्थेमध्ये व्यवहार केला. मागील दोन वर्षांपासून आपण वर्धापन दिनानिमित्त संस्था ठेवींवर १ टक्का व्याजदर वाढवून देत असताना सर्व सभासद त्याचा फायदा घेताना संचालक मंडळास आनंद होत असतो. यंदाच्या वर्षी सभासदांनी पाच दिवसात दोन कोटी पर्यंत FD केल्या आहेत. त्याबद्दल सर्व ठेवीदारांचे आभार व्यक्त केले व यापुढेही सर्वांच्या सहकार्याने संचालक मंडळ व संस्था उंच शिखरापर्यंत पोहोचवण्याचा प्रयत्न करेल.

१०३ व्या वर्धापन दिनानिमित सकाळपासून अनेक सभासदांनी, संचालकांनी भेट देत संस्थेच्या वर्धापनादिनानिमित्त व पुढील वाटचालीसाठी शुभेच्छा दिल्या.


यावेळी संस्थेच्या १०३ व्या वर्धापन दिनानिमित्त बोलताना संस्थेचे अध्यक्ष श्री उमाकांत वालगुडे यांनी सांगितले की संस्थेच्या माध्यमातून अनेक सभासदांच्या मुलांचे शिक्षण झाले, अनेक सभासदांचे स्वतःचे घर झाले, संस्थेच्या वतीने सभासदांच्या मुलीच्या लग्नात कन्यादान योजना संस्थेच्या वतीने सुरू करण्यात आली आहे. या लग्नात संस्थेच्या वतीने सभासदांच्या मुलींना कन्यादान म्हणून अकरा हजार रुपयांचा धनादेश देण्यात येतो. तसेच संस्थेच्या वतीने 'संस्थेची लेक' योजना सुरू करण्यात आली आहे सभासदास मुलगी झाल्यास तिच्या नावे ५० हजार रुपये ती १८ वर्षाची पूर्ण झाली की तिला देण्याची योजना सुरू करण्यात आली आहे मागील १३ वर्षात ९४ सभासदांनी या 'संस्थेची लेक' योजनेचा लाभ घेतला आहे. तसेच सभासदांना दुर्धर आजाराकरिता उदाहरणार्थ कॅन्सर,ओपन हार्ट सर्जरी इत्यादी करिता रु.तीस हजार पर्यंतची वैद्यकीय मदत संस्थेच्या वतीने करण्यात येत असते अशी माहिती अध्यक्षांनी दिली.

संस्थचे कार्यलक्षी संचालक श्री नागेश नलावडे यांनी संस्थेच्या उत्पन्नातून संस्थेने म्हाळुंगे येथे ३५००० स्क्वेअर फुटाचे एमरल्ड सांस्कृतिक भवन उभारले असून या सांस्कृतिक भवनात सभासदांच्या मुला-मुलींच्या लग्नाकरिता अत्यंत कमी खर्चात हॉल उपलब्ध करून दिला जातो असे सांगितले.

संस्थेचे तज्ञ संचालक श्री दीपक धुमाळ यांनी सांगितले या संस्थेमध्ये अनेक संचालक यांनी आपल्या अनुभवाचा उपयोग संस्थेच्या हितासाठी केला व आता येणाऱ्या काळामध्ये नवीन युवा वर्गाला संधी दिल्याबद्दल संस्थेच्या सर्व हितचिंतकांना व सभासदांनाही धन्यवाद व संस्था स्थापन केल्यापासून ज्या कर्मचाऱ्यांनी संचालकांनी व सभासदांनी जे मोलाचे योगदान दिले त्यामुळेच आज आपल्याला हा यशाच्या डोंगर आपल्याला पाहायला मिळत आहे. त्यामुळे ज्या ज्या घटकांनी संस्थेची वाटचाल यशस्वी पार पाडली अशा सर्व घटकांना धन्यवाद देतो आणि असेच संस्थेच्या यशाचे शिखर निस्वार्थी भावनेने सर्व संचालक व कर्मचाऱ्यांनी यापुढील काळातही करावे अशा शुभेच्छा दिल्या.

संस्थेचे व्यवस्थापक श्री राजन कामठे यांनीही आभार व्यक्त करत संस्थेच्या पुढील वाटचालीसाठी आम्ही सर्व कर्मचारी संस्था पुढे नेण्याचा प्रयत्न करणार आहे व आपल्या सर्वांचे सहकार्य आमच्यासाठी फार महत्त्वाचे आहे व संस्थेचा कारभार अत्यंत पारदर्शक आहे व यापुढेही राहील असे आश्वासन श्री कामठे यांनी दिले.

या प्रसंगी संस्थेचे सर्व विद्यमान संचालक तसेच जेष्ठ संचालक श्री.दिलीप जगदाळे, श्री.पंढरीनाथ शिंदे, श्री.रणजीत माळवदे, श्री.बबन सूर्यवंशी, श्री. संभाजी मस्तूद आदी संचालक उपस्थित होते.