“Vatan tayanchi” otryad a’zolari bilan “Rahbar va yoshlar uchrashuvi” bo‘lib o‘tdi.

Bugun “Yoshlar oyligi” doirasida Toshkent harbiy okrugi, Bo‘ka tumani hokimligi, Sirdaryo harbiy prokuraturasi, maktabgacha va maktab ta’limi boshqarmasi hamda O‘zbekiston yoshlar ittifoqi Toshkent viloyati Kengashi bilan hamkorlikda “Vatan tayanchi” otryad a’zolari bilan “Rahbar va yoshlar uchrashuvi” bo‘lib o‘tdi.

Tadbirda Bo‘ka tumani hokimi B.Begmatov, Sirdaryo harbiy prokurori adliya podpolkovnigi F.Jumayev, Viloyat mudofaa ishlari boshqarmasi boshlig‘i o‘rinbosari “Vatan tayanchi” harakati bo‘limi rahbari podpolkovnik A.Nurillayev, tuman hokimining o'rinbosari O.Djo'rayev, O‘zbekiston yoshlar ittifoqi Toshkent viloyati Kengashi raisi M.Hamzayev, "Vatan tayanchi" harakati a'zolari va ularning ota-onalari ishtirok etishdi.

Tadbir davomida O‘zbekiston Respublikasi Prezidentining 2022-yil 2-martdagi PQ-150-son qaroriga asosan Bo‘ka tumanidagi 55 nafar “Vatan tayanchi” otryad a’zolariga oliy harbiy bilim yurtlariga kirish uchun 5 % li imtiyozli tavsiyanomalar tantanali ravishda topshirildi.