劉威煌演唱會獲好兄弟齊撐 被爆要求嘉賓三個月學好外語

劉威煌演唱會獲好兄弟齊撐 被爆要求嘉賓三個月學好外語

劉威煌即將舉行兩場演唱會，一班中聲戰友兼好兄弟「輕鬆啲」都會踩台演出做嘉賓，呢日成員譚輝智、顏米羔、甘永傑、梁浩賢、王嘉明、梁思傑、好友黃洛妍就率先嚟綵排，威煌話而家已準備得七七八八，米羔就好抵死話對方一出世就get ready for呢次演唱會。

一班兄弟大呻威煌對佢哋要求苛刻，好似要佢哋三個月學識泰文同日文，至於到時究竟有咩驚喜畀觀眾？佢哋就先賣個關子喇。

威煌一直備戰，除咗練歌之外，當然喺身形上都花咗唔少功夫啦，一班兄弟仲即場摸下威煌啲肌肉有幾堅呀，而威煌話佢未試過要應付兩場演出，所以都擔心體能上應付唔嚟，但好彩有教練同太太嘅鞭策，令佢想偷懶都難呀。

Janees同威煌分別參加過《聲夢傳奇》同中聲2等選秀節目，但其實佢哋喺比賽前已經認識，仲會一齊相約去唱卡拉ok，兩位都係唱得之人，今次Janees仲預告會做一啲高難度演出，除咗同平時嘅自己唔太似之外，唱嘅歌亦都唔太熟悉，所以對Janees嚟講，真係又好玩又有挑戰性呀。

#劉威煌 #演唱會 #嘉賓 #中聲戰友 #輕鬆啲 #譚輝智 #顏米羔 #甘永傑 #梁浩賢 #王嘉明 #梁思傑 #黃洛妍 #學外語 #三個月 #身形 #備戰 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0