Скачать или смотреть UPSC ची तयारी कशी कराल ? by बिरदेव डोणे (UPSC chi tayari by Birdev Done)

बिरदेव डोणे त्याच्या एकंदर कौटुंबिक पार्श्वभूमीमुळे प्रचंड व्हायरल झाला. इतका की नंतर काही गोष्टींचा त्याला स्वतःच खुलासा करावा लागला.

दरवर्षी UPSC च्या निकालानंतर असा एखादा निकाल असतोच की जो प्राइम टाइम मीडिया पासून मेन स्ट्रिम मीडिया पर्यंत सर्वजण प्रचंड उचलून धरतात. अलीकडे असे निकाल व्हायरल करण्यामध्ये अर्थातच सर्वात जास्त योगदान हे सोशल मीडिया आणि युट्यूबर्सचे असते.

या व्हायरल होणाऱ्या गोष्टींमध्ये उमेदवाराच्या विशेषता आर्थिक, सामाजिक, कौटुंबिक पार्श्वभूमीचे वर्णन अधिक केले जाते. अर्थात कुठल्याही प्रकारच्या अडचणींचा सामना करून यश मिळवलेल्या विद्यार्थ्यांचे कौतुक व्हायलाच हवे. या गोष्टी इतर अनेक विद्यार्थ्यांना प्रेरणा देऊ शकतात आणि त्यांच्यामध्ये मोठी स्वप्ने बघण्याचे धाडस निर्माण करू शकतात.

पण ‘यूपीएससी’च्या बाबतीत यूपीएससीचा अभ्यास करणे, करत राहणे हेच एक मोठे आव्हान असते. प्रत्यक्षात हा अभ्यास करत असताना उमेदवारांचा सगळ्यात जास्त कस लागतो. आर्थिक, सामाजिक, कौटुंबिक अडचणींवर इतरांच्या मदतीने मात करता येऊ शकेलही मात्र अभ्यासातले सातत्य, तयारीतील प्रामाणिकपणा, मानसिक बौद्धिक एकाग्रता, परीक्षेतील बारकावे, आवश्यक कौशल्यांचा विकास, वाचन, लेखन, अगदी झोप, खाणेपिणे, मानसिक शारीरिक स्वास्थ्य अशा परीक्षेच्या तयारीशी संबंधित नानाविध गोष्टींच्या आखणी आणि अंमलबजावणीमध्ये उमेदवार एकटा असतो. अभ्यास कशाचा आणि कसा करायचा याचे अगदी दिल्ली पासून ते ऑनलाइनच्या जमान्यात गल्लीपर्यंत मार्गदर्शन मिळते. प्रश्न असतो तो उमेदवाराने अंमलबजावणी करण्याचा.

बिरदेवला 'भारी' समजायचच तर या गोष्टींसाठी समजायला हवं. विविध शिष्यवृत्तींच्या मदतीने आपल्या तयारी काळातील खर्चाचे गणित बसवताना अभ्यासाच्या बाबतीत देखील अत्यंत चोख नियोजन आणि अंमलबजावणी करताना बिरदेव दिसतो. विद्या प्रबोधिनी येथे अलीकडेच बिरदेवने विद्यार्थ्यांशी संवाद साधला. त्याच्या प्रत्येक शब्दातून त्याचे आपल्या अभ्यासाप्रति असलेले समर्पण, तयारी काळात अवलंबलेली शिस्त, राखलेले सातत्य, अभ्यास कौशल्यांचा केलेला विकास इ. दिसून येतात. त्याच्या मार्गदर्शनाचे सार एका वाक्यात सांगायचे झाले तर ते असेच सांगता येईल - ‘यूपीएससी करायची नसते, ती जगायची असते!’.

थेट यूपीएससी तयारी काळातील दिवसांबद्दल तो या व्हिडीओ मध्ये बोलला आहे. आपल्या अनुभवाच्या आधारे अभ्यासातील अनेक बारकाव्यांविषयी त्याने इथे मार्गदर्शन केले आहे. म्हणूनच, ‘यूपीएससी’ची नव्याने सुरुवात करणारा विद्यार्थी असो वा पूर्व, मुख्य, मुलाखतीच्या चक्रात अडकलेला जुना उमेदवार, प्रत्येकाला बिरदेवच्या या मार्गदर्शनातून काहीना काही महत्वाच सापडणार हे नक्की.

2023 आणि 2024 या दोन्ही वर्षी यूपीएससीच्या मुख्य परीक्षांसाठी आणि 2024 च्या मुलाखतीसाठी विद्या प्रबोधिनीने दिलेल्या शिष्यवृत्ती मध्ये बिरदेव असणे ही आमच्यासाठी नक्कीच अभिमानाची बाब होय!

#ias #upsc #ips #civilservices #aspirantlife #aspirant #vidyaprabodhini #kolhapur #maharashtra
राजकुमार पाटील, संचालक, विद्या प्रबोधिनी, कोल्हापूर