粵劇《 牡丹亭驚夢 之 幽媾 》龍貫天、王超群

龍貫天 飾演 柳夢梅
王超群 飾演 杜麗娘

【牡丹亭驚夢之幽媾 曲詞】

麗娘：風吹梧桐葉落沙喇...喇，風吹梧桐葉落沙喇...喇。
粉冷香銷，泣絳紗，風飄飄，魂在望鄉台下，夜螢螢，墓門開處鬼離家。行一步，心驚怕。
原來是賺花陰，夜犬吠螢花，倩芭蕉遮掩在荼薇架，
原來是樵樓鼓，落寒更報月華，休怕，休怕，待重見窗裡冤家，重續孽緣燈月下。
夢梅：唉呀，月色透羅幃，已是更深時候啦，邊個拍門呢下......呀，大抵是雨打竹簾，風搖鐵馬定叻。
麗娘：開門
夢梅：明明係有人叫門之聲架o番。係邊位呀？
麗娘：是我
夢梅：呀，梗係個個小道姑佢送茶問暖定叻。韶陽師姐，夜叻，唔駛叻。
麗娘：開門呀。
夢梅：又係既，人地一場心事，送茶問暖，不如開左度門，接過杯茶，打發佢扯罷叻。
夢梅：唉呀...，莫講話人影都冇，鬼影都冇，唉呀，唔通呢度真係有鬼，閂番度門，訓覺罷叻。
麗娘：柳公子
夢梅：我同妳素昧生平，點解妳識得我架？
麗娘：素昧生平都仍可相逢夢裡囉，咁相逢又何必要問相識呢？我望你珍重良宵剎那。

夢梅：小姐，到底妳駕雨而來，抑或乘風而入架？妳真係嚇到我心...心搖意蕩眼昏花
麗娘：所謂最難風雨故人來，不是故人又怎能乘風駕雨呢，你何必要問我點樣黎唧，我究竟都係黎左囉，我在你心生綺念既時候已經黎左啦，哎呀，公子，咁你既怕又何必想，既想又何必怕呢？
夢梅：我幾時有心生綺念呀，縱使有，不過都係客館寂寥，想念下畫裡既嬌娃唧

夢梅：本來佢不明來歷，我應該要避之則吉，不過你睇下佢，你睇佢意態撩人，真係好容易令人心...心生綺念架，好似月裡仙降凡塵，佢輕弄絳紗，輕弄絳紗，莫非冷煙蔽月華，她雨中竟自迷途迷途錯歸家。妳係唔係呀？

麗娘：唔係。寄寓寄寓在柳陰下，悲風霜乞片瓦
夢梅：非關有意有意苦追查，夜半芳齋欠奉茶，妳莫借西廂送葯茶，我借盞秋燈你小心歸去罷。

麗娘：唉，嘆惜我命如霧裡花，杜麗娘未有家泣孤寡。
我...我無家可歸既。

夢梅：世間女子焉有無家之理架。
莫非天仙姐姐妳愛我瀟洒，偷偷降落柳生衙，可惜我一介潦倒潦倒寒儒怕有偏差。
麗娘：你錯叻。既屬有夢鑄佳話，當管不了月夜，月夜叩奔君家，我慕君風華，愛君風華，盼君泣月下，屈居柳陰受霧雨打，盼蝶來活了解語花。
夢梅：小姐，點解妳忽然又淚隨聲下架。佢泣訴多風雅，悲逝水韶華，欲仿效情花再萌芽。妳是否係文君新寡？

麗娘：唔係，貞花未嫁架
夢梅：妳未嫁架？
麗娘：我獨處深閨未嫁架
夢梅：既是天仙天仙未嫁，咁就亦緣也，福份也。想落心中驚怕，心中驚怕，點解會相見焦樹下。
麗娘：君心休怕，君心休怕，你揖拜仙觀下，風吹飛花有心報與君，在佛前為你洒，致令郎拾去我丹畫。

夢梅：咁到底妳從何而來架？
麗娘：你何必疑雨疑雲，驚風怕雨唧...丹青畫丹青畫...我生於畫中，當然係來自畫中啦。

夢梅：來自畫中？莫非妳就係畫裡真真？
麗娘：你睇下。

夢梅：哦，真係o番。
麗娘：咁真與假呢？
夢梅：確未有差
麗娘：祗係腰瘦減，
夢梅：一般貌似花，丹青仙姿兩瀟洒。
麗娘：被冷煙冷煙蓋玉顏，銷毀了鉛華，驟降丹青價咯。
夢梅：鴛鴦帳裡同夢去囉
麗娘：又怕冰肌凍著了郎又怕。
夢梅：唔怕，唔怕
麗娘：我又怕，又怕，聽二更斷續了兩三下。
夢梅：怕月照香衾，且閉窗莫理他。