Khit Thit သတင်းဌာန၏ မေ ၂၃ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ မေ ၂၃ ရက် မနက်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ မေ ၂၃ ရက် မနက်ပိုင်း တင်ဆက်ပေးမယ့် သတင်းတွေကတော့

- ရခိုင်အရေးနဲ့ပတ်သက်ပြီး ကြောင်းကျိုးဆီလျှော်တဲ့ အမှန်တရားထက် အလှူရှင်တွေအကြိုက် မျက်နှာ ပြောင်တိုက်တဲ့ ကြောင်သူတော်မိတ်ဆွေတွေအနေနဲ့ သူတို့နဲ့ ထိုက်တန်တဲ့ နိုင်ငံရေးအနာဂတ်မှာ နေပျော် စေဖို့ ဆုတောင်းလိုက်တယ်လို့ AA စစ်ဦးစီးချုပ် ဗိုလ်ချုပ်ထွန်းမြတ်နိုင်က သူရဲ့ လူမှုကွန်ရက်ကတစ်ဆင့် ထုတ်ပြန်ပြောဆိုလိုက်ပါတယ်။

- မနေ့က ကဆုန်လပြည့်နေ့မှာ ရန်ကုန်တိုင်းရွှေလုပ်ငန်းရှင်များအသင်းရဲ့ ရွှေစျေးကွက် ပိတ်ထားပေမယ့် ပြင်ပစျေးကွက်မှာ အခေါက်ရွှေတစ်ကျပ်သားကို ငွေကျပ် ၅၂ သိန်း ၂ သောင်းနီးပါးအထိ စံချိန်တင် စျေးထိုးတက်ခဲ့တယ်လို့ ရန်ကုန်ရွှေကုန်သည်တချို့က ရန်ကုန်ခေတ်သစ်သတင်းဌာနကိုပြောပါတယ်။

-ကချင်ပြည်နယ်၊ ၀ိုင်းမော်မြို့နယ်က စစ်ကောင်စီတပ်စခန်းတွေကို KIA ဦးဆောင်တဲ့ တော်လှန်ရေး တပ်တွေက သိမ်းပိုက်ပြီးနောက် ကဇူးစခန်းနဲ့ ရွှေညောင်ပင် ခလရ ၃၂၁ စခန်းတို့မှာ စစ်ကောင်စီ တပ်ဘက်က စစ်သား အလောင်း ၁၄၀ ဝန်းကျင်ပြန့်ကျဲနေပြီး အလောင်းကောက်မယ့်သူတောင်မရှိဘဲ ဖြစ် နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။