伍仲衡顏志恒生日Party勁歌熱舞娛賓 霸氣回應「700條水魚」賀壽論

伍仲衡顏志恒生日Party勁歌熱舞娛賓 霸氣回應「700條水魚」賀壽論

中聲家族一向好好感情，唔單止經常一齊工作同聚會，慶祝生日都成為佢哋家常便飯。好似 伍仲衡 同 顏志恒 兩位同月同日生日，呢日佢哋就一齊搞咗個大Party，同700幾人共聚玩返晚。咁啱中聲2嘅沈宗賢都係同一日生日，所以都一齊慶祝，席間伍Sir更吻賀同佢相差一日生日嘅伍太，場面溫馨。

呢晚伍Sir同Benson好似開騷一樣，合唱多首歌曲，伍Sir更又唱又跳，情緒高漲。兩人首次參加咁大型生日派對，見到咁多好朋友同粉絲特別興奮，伍Sir笑言日日都好high，人生就係要咁先開心，而Benson則大讚現場音響，令佢哋玩得好投入。呢晚到賀嘅嘉賓眾多，包括肥媽、車婉婉、周國豐、張佳添、韋綺姍、支嚳儀、涂家堯、魏嘉信等都同大家打成一片，台上台下都一樣玩得咁開心，肥媽更同伍Sir Jam歌搞氣氛。

而舉辦生日派對前，伍Sir喺網上留言叫大家玩得開心啲，卻惹嚟一位網民話有700條水魚，令伍Sir大動肝火，不過好彩佢冇被呢啲小事影響心情，仲霸氣回應：「我哋只係收680元一位，出面飲宴最平都近7千。現場仲有靚音響，大樂隊都係自己俾錢要幾萬元，我哋仲有鋼琴同喇叭做禮物，一入場就有小紀念品，根本就賺晒啦，點會水魚，位網民火星嚟，未試過「七」街食﹗」

除咗一班中聲戰友人到禮到演出外，仲有生力軍校園好聲音冠軍洪心怡獻唱，原來佢啱啱簽約伍Sir做歌手出道，未來會在樂壇大展拳腳。

#中聲家族 #伍仲衡 #顏志恒 #沈宗賢 #肥媽 #車婉婉 #周國豐 #張佳添 #韋綺姍 #支嚳儀 #涂家堯 #魏嘉信 #水魚 #校園好聲音 #洪心怡
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0