Скачать или смотреть სამართლიანი ფასი

რა ღირს? - ამ კითხვას არამხოლოდ ინტერნეტსივრცეში, არამედ მთელ მსოფლიოში ხშირად სვამენ.
რა უნდა ღირდეს პროდუქტი და რა არის სამართლიანი ფასი, ამაზე ბევრ ფილოსოფოსს უფიქრია. მაგალითად, შუა საუკუნეების მოაზროვნე, თომა აქვინელი ამბობდა, რომ პროდუქტის გაყიდვა რეალურზე მაღალ ფასად - ამორალურია. მაგრამ, რა არის რეალური ღირებულება?
ზოგიერთი ადამიანისთვის ბრენდის ლოგო და სახელი ღირებულია, ამიტომ მზადაა მეტი გადაიხადოს, ზოგიერთისთვის კი არაფერს ნიშნავს და ურჩევნია პროდუქტი უცნობი მწარმოებლისგან იაფად შეიძინოს. ამაში ამორალური არაფერია.
თუმცა დავუშვათ,რომ ნიკას უდაბნოში მიაქვს წყალი და დიდი მარჟით ყიდის. იქ მცხოვრებ ხალხს სხვა გზა არ აქვს და უწევს შემოსავლის ძირითადი ნაწილი წყალში გადაიხადოს. თუ ვიფიქრებთ, რომ ნიკა უსამართლოდ იქცევა შესაძლოა მოგვინდეს, რომ ფასის ზედა ზღვარი დავუწესოთ. მაგრამ შემდეგ შესაძლოა ვიფიქროთ, რომ ნიკას ვექცევით უსამართლოდ, რომელსაც საშუალებას არ ვაძლევთ თვითონ შეაფასოს თავისი პროდუქტის ღირებულება.
სხვადასხვა ადამიანს განსხვავებული შეხედულება აქვს სამართლიანი ფასის და იმის შესახებ თუ რა მიგვიყვანს უკეთეს ეკონომიკურ და სოციალურ მდგომარეობამდე.
შენ რას ფიქრობ?