Sereto sa Kgagudi (African Praise Poetry) by Matalane Mokgatla

SERETO SA KGAGUDI
Ke Kgagudi sebatana
Ke nare ya mosadi a Tšate
Barego etšwa Tšate e se na moekeledi,
Ba ile ba ekelela Marota le Mapota a mahubedu

O re ke e montlha morwa Tšhabahla a’ Rakabu a modiši a’ Makwa
Barwa ba ritša ka marago ba lebile koteng tša mohweleretshipi
Ba tšhaba nna tshipi ya diphatša tšharara a’ ngwana kujwadi a’ Hlabirwa

Thuula pitsi wene ya Kujwadi
Thuula wene mahlako a Phogole 'a Ngwato
Thuula pitsi ya Kujwadi
Wene sethulela dithamaga tsela
Gomme thamaga tša boa tša go gatikela

O re ke ganne ga ba wela mahwiting mahwelešwaneng a noka Tubatse
kare ntumele theko ya lerumo wa ga rasetšokotše
Ko sola mašaedi
Ko sola ba le ba go roga nna mokopa Tšate selomela tshinyi
Sekgotlela nkonyama ka dieta
Mohlako wa Raphogole a’ Ngwato
Dibolai di ipolaela Marota diboba tša mohlako
A ela Marota a mahubedu

Ke tšhwaana ya ntlha dipedi ya go hlaba kobo le moruki wa yona
Ke hlabile banna bale ba go ba le borumulane ba tšwa sephapha monwana
Bagatša ba kgoši ba ba epa diepo ka gore be ba šio bolla

Sere o le kgoši wa tsena mathoko
Tsena selebana phaswa dira tša Theledi mpedi motšea thoka
O re ba digela ntwa ka nna dilo tša lefase, mehu mehlaka
Tša batho leaketša balata mahlaku a ona ke wona maaparankwe.