تكفون ياهل العوايد | عتق رقبة ابناء ال مره | كلمات عبدالهادي بن قنيفذ | اداء نخبه من المنشدين

.
.
اشترك وفعل التنبيهات في قناة حمد البويصم الرسمية
للحصول على أحدث إصداراته الفنية
‏https://cutt.us/bSX4h


ـ « عتق رقبة ابناء ال مـره »
صالح ناصر صالح المري
علــي ناصر صالح المري
راشد صالح ناصر المري

كلمات : عبدالهادي بن قنيفذ
أداء : جفران بن هضبان
صالح ال مانعه
حمد الطويل
راشد ال جزوى
مسعود بن شعفول
محمد ال دلبج
تصميم : حمد البويصم

__

الكلمات :

يالله ياللي السراير ماهي اتغره
ما غيرك احد مطالبنا يحققها

منك الفرج لاقبلت لاقدار مفتره
وحمولها تتعب الانفس وترهقها

مافيه رجل ظروف الوقت ما تمره
هذي صدوف الحياه وذي عوايقها

قد لي وانا مونس وسط الصدر حره
ونواجدي مبطي ضحكي مفارقها

مصالي الي جمرها حي واكره
واقلط الدله ام الهيل وافهقها

هم براسي ماهيب صفوف مغتره
من يوم الاخبار وصلتنا حقايقها

لاضاقو دروع جنبي ضقت بالمره
والله ماعاد انظر الاشيا واحققها

لاعاش راس حقوق الواجب اتغره
ويصد واعذاره الهزله يلفقها

ياصلب جدي ذرى المضيوم والحره
ياهل المواجيب في شتى طرايقها

يال مره اللي ضمير المبلي اتسره
وهمومه اللي ملازمته يفارقها

ينخاكم بن دماغ وصوته يجره
وهقواته ابكم بعد ربي امعلقها

تكفون ضاق الفضا مع بحره وبره
ويعد ساعات الايام ودقايقها

ولده واخوانه اللي لانظره قره
عليهم احمول ما متنه بطايقها

وان ماوقفنا مع ال دماغ يال مره
فخلق الله ابوابها ماحدن بطارقها

تكفون ياهل العوايد عودو الكره
في فزعه مثل شمس الصبح مشرقها

من قدم الطيب يلقى به من يبره
لاحتاج من فزعه اهل الطيب صادقها

ترى الحسايف عواقبها تجي مرررره
ولا يعرف المراره كود ذايقها

وش خانه المال لابو جد من صره
لاصار راعيه مالطالات يعشقها

الطيب الاصل صوب الطاله ايجره
واللاش اذانيه عن صوت الزهم صقها

الموقف الصعب يبغي عسر ومفره
يقدم و الاموال دون الوجه ينفقها

العمر مره وعجلات الفرص مره
غنايم من تفوته صعب يلحقها

ترى الكفن ماله اجيوب ولا ازره
وصكات الايام ماتؤمن بوايقها

يابن دماغ ابشر بما قلبك يسره
باذن الله انقفل الديه ونغلقها

ال مره احزام من جور الزمن ضره
من جته لاخبار مافزعته يفهقها

ظلال (ن) من الزمان الى طغى حره
وكل يقول النجوم البيض عانقها

والله مانذخر لنا ما يازن الذره
عيوننا مامنام الذل يسرقها

المال جعله ذلوفه دينه وحره
ما ولله كفوفنا بالهون نصفقها

على المجره لمجد افعالنا جره
تاريخ نطح الصعاب اللي موثقها

نعتق ارقاب العرب بالمال وانثره
وش لون مارقابنا نقدم ونعتقها

وان جاو يام فضميرك ينجلي شره
ابشر لك بفزعه تطرخ بيارقها

من يام ذخره الى جا فالزمن فره
يرقا النوايف ويبدي في شواهقها

فزعاتهم من جبل نجران للحره
ومن مغرب الارض لين اقصى مشارقها

اتخلي النفس عقب الحزن مستره
وتفرح عيون غزير الدمع مغرقها

ماهيب مره ولا مره ولا مره
تشهد جميع القبايل في مناطقها

الى نخا الدرك ولا صاحت الحره
تعلو من الخيول الندر اسبقها

صغارهم تنطح ادها القوم وتطره
وكبارهم ماهي اتكذب بنادقها